അവശ്യ സാധനങ്ങളുടെ ലഭ്യത ഉറപ്പ് വരുത്താൻ ആപ്പ്
കൊവിഡ് 19 നെ തുടർന്നുള്ള നിയന്ത്രണങ്ങളുടെ പശ്ചാത്തലത്തിൽ, അവശ്യ സാധനങ്ങളുടെ ലഭ്യത ഉറപ്പാക്കുവാനായി കേരള പോലീസ് സൈബർഡോമിന്റെ നേതൃത്വത്തിൽ മൊബൈൽ ആപ്പ് പുറത്തിറക്കുന്നു. ഉപഭോക്താക്കൾക്ക് അവശ്യ സാധനങ്ങൾ ഈ മൊബൈൽ ആപ്പ് ഉപയോഗിച്ച് കടകളിൽ നിന്നും ഓർഡർ ചെയ്യാനാകും .
കേരള വ്യാപാരി വ്യവസായി ഏകോപന സമിതി, ഡെലിവറി സംവിധാനം ഉള്ള കടകൾ, താത്കാലികമായി ഡെലിവറി സംവിധാനം ഉറപ്പ് വരുത്താൻ കഴിയുന്ന കടകൾ, റെസിഡൻസ് അസോസിയേഷനുകൾ, ഫ്ലാറ്റ് അസോസിയേഷൻ, കുടുംബശ്രീ യൂണിറ്റുകൾ എന്നീ വിവിധ സംഘടനകൾക്ക് ഈ ആപ്പ് കൊറോണ നിയന്ത്രണം അവസാനിക്കുന്നതുവരെ സൗജന്യമായി ഉപയോഗപ്പെടുത്താവുന്നതാണ്. കടകളിൽ നിന്നും സാധനങ്ങൾ എത്തിച്ചു കൊടുക്കാൻ പറ്റുന്ന സന്നദ്ധ പ്രവർത്തകർക്ക് വേണ്ടിയും പ്രത്യേകം ആപ്പ് പുറത്തിറക്കിയിട്ടുണ്ട്.
ഉപഭോക്താക്കൾക്കും കടകൾക്കും മൊബൈൽ ആപ്പ് വെബ്സൈറ്റ് എന്നിവയുടെ സേവനം ഉപേയാഗിക്കാവുന്നതാണ്. വെബ്സൈറ്റ് : https://www.shopsapp.org
ഷോപ്പുകൾക്കുള്ള app :https://play.google.com/store/apps/details?id=org.inventlabs.shopsapp.businessഉപഭോക്താക്കുള്ള app :https://play.google.com/store/apps/details?id=org.inventlabs.shopsapp
കേരളാ പോലീസ് സൈബർഡോമിന്റെ നിർദേശങ്ങളുടെയും ഏകോപനങ്ങളുടെയും അടിസ്ഥാനത്തിൽ ഇൻവെന്റ ലാബ്സ് ഇന്നോവേഷൻസ് ( Invent Labs Innovations) എന്ന സ്റ്റാർട്ടപ്പ് കമ്പനിയാണ് ഈ സേവനം ലഭ്യമാക്കിയിരിക്കുന്നത്. ഹോം ഡെലിവറി സൗകര്യം ഉറപ്പാക്കാൻ കഴിയുന്ന വ്യാപാര സ്ഥാപനങ്ങൾ ഈ ലിങ്കിൽ വഴി രജിസ്റ്റർ ചെയ്യുകയാണെങ്കിൽ അവരുടെ സേവനം ഉപഭോക്താക്കൽക്ക് ലഭ്യമാക്കാനും കഴിയും.