ഹൈടെക് ക്ലാസ് മുറികൾ ഫലപ്രദം: ഒന്നാംഘട്ട അവസ്ഥാ പഠനം പൂർത്തിയായി

തിരുവനന്തപുരം: സംസ്ഥാനത്തെ എട്ട് മുതൽ 12 വരെ ക്ലാസ്സുകളിൽ നടപ്പാക്കിവരുന്ന ഹൈടെക് സ്‌കൂൾ പദ്ധതിയുടെ ഒന്നാംഘട്ട അവസ്ഥാപഠനം കേരള ഇൻഫ്രാസ്ട്രക്ചർ ആന്റ് ടെക്‌നോളജി ഫോർ എഡ്യൂക്കേഷൻ (കൈറ്റ്) പൂർത്തിയാക്കി.

ആകെ 4742 സ്‌കൂളുകളിലെ 60776 അധ്യാപകരിൽ നിന്നും 178871 വിദ്യാർത്ഥികളിൽ നിന്നും പ്രത്യേക ചോദ്യാവലി ഉപയോഗിച്ച് നവംബറിൽ നേരിട്ട് വിവരശേഖരണം നടത്തിയാണ് പഠനം നടത്തിയത്.  ഹൈടെക് പദ്ധതിയുടെ വിവിധ ഘട്ടങ്ങളിലുള്ള പുരോഗതി വിലയിരുത്താൻ പൊതുവിദ്യാഭ്യാസ മന്ത്രി പ്രൊഫ. സി. രവീന്ദ്രനാഥ് നിർദേശം നൽകിയിരുന്നു.

സ്‌കൂളുകളിൽ നിലവിൽ 73333 അധ്യാപകർ (92 ശതമാനം) ക്ലാസ് മുറികളിൽ പ്രൊജക്ടറുകളും ലാപ്‌ടോപ്പും ഉപയോഗിച്ച് പഠിപ്പിക്കുന്നുണ്ട്.  13489 അധ്യാപകർ ‘സമഗ്ര’ പോർട്ടലിലെ വിഭവങ്ങൾക്കുപുറമെ സ്വന്തമായി ഡിജിറ്റൽ വിഭവങ്ങൾ തയ്യാറാക്കുന്നുണ്ട്.  69611 അധ്യാപകർ സമഗ്ര പരിശീലനം നേടി പോർട്ടലിൽ അംഗത്വം എടുത്തിട്ടുണ്ട്.

‘സമഗ്ര’ പോർട്ടൽ പഠന പ്രവർത്തനങ്ങൾക്ക് പ്രയോജനപ്പെടുന്നു എന്നും  ഡിജിറ്റൽ റിസോഴ്‌സുകളുടെ അവതരണം, ചർച്ച, ക്രോഡീകരണം എന്നിവ ഫലപ്രദമായി നടത്താൻ നിലവിലെ ക്ലാസ് അന്തരീക്ഷം പര്യാപ്തമാണെന്നും 96 ശതമാനം അധ്യാപകർ അഭിപ്രായപ്പെട്ടു.  പ്രൊജക്ടർ, ലാപ്!ടോപ്പ് എന്നിവ ക്ലാസ്സിൽ വിന്യസിച്ചിരിക്കുന്നത് സൗകര്യപ്രദമാണ് എന്നാണ് 94 ശതമാനം അധ്യാപകരും അഭിപ്രായപ്പെട്ടത്.  16928 അധ്യാപകരാണ് ‘സമഗ്ര’ മൊബൈൽ ആപ് ഉപയോഗിച്ചിട്ടുള്ളത്.

1.79 ലക്ഷം കുട്ടികളിൽ നിന്നാണ് നേരിട്ട് ഹൈടെക് ക്ലാസുകളുടെ ഫലപ്രാപ്തിയെക്കുറിച്ച് വിവരശേഖരണം നടത്തിയത്.  ഒരു ഡിവിഷനിൽ നിന്നും റാൻഡം ആയി അഞ്ച് കുട്ടികളെ തിരഞ്ഞെടുത്ത് പൊതുമുറിയിൽ അവർക്ക് ചോദ്യാവലി നൽകിയാണ് ശേഖരിച്ചത്.  ഇതിൽ 92 ശതമാനം കുട്ടികളും (1.61 ലക്ഷം) ക്ലാസ് മുറിയിൽ പ്രൊജക്ടർ, ലാപ്‌ടോപ്പ് എന്നിവ നന്നായി പ്രവർത്തിക്കുന്നു എന്ന് രേഖപ്പെടുത്തി.  ക്ലാസ് മുറികളിൽ പ്രൊജക്ടറുകൾ ഉപയോഗിച്ച് ഡിജിറ്റൽ ഉള്ളടക്കം പ്രദർശിപ്പിക്കുമ്പോൾ എല്ലാവർക്കും നന്നായി കാണാൻ കഴിയുന്നുവെന്ന് 1.68 ലക്ഷം കുട്ടികളും രേഖപ്പെടുത്തിയിട്ടുണ്ട്. വീട്ടിൽ കമ്പ്യൂട്ടർ ഉണ്ട് എന്ന് രേഖപ്പെടുത്തിയത് 43061 കുട്ടികൾ (25 ശതമാനം) ആണ്.

അവസ്ഥാ പഠനത്തിന്റെ അടിസ്ഥാനത്തിൽ ശ്രദ്ധിക്കേണ്ട തലങ്ങളിൽ പ്രത്യേക ഇടപെടൽ നടത്താൻ സംവിധാനം ഒരുക്കിയിട്ടുണ്ടെന്ന് കൈറ്റ് വൈസ് ചെയർമാൻ കെ. അൻവർ സാദത്ത് അറിയിച്ചു. സർവേയുടെ തുടർച്ചയായി പൊതുവിദ്യാഭ്യാസ വകുപ്പ് ഫെബ്രുവരിയിൽ എല്ലാ സ്‌കൂളുകളിലും ഹൈടെക് പദ്ധതിയുടെ ഓഡിറ്റ് നടത്തുമെന്ന് സെക്രട്ടറി എ. ഷാജഹാൻ അറിയിച്ചു.

Comments

Leave a Reply

Your email address will not be published. Required fields are marked *

Loading…

0

Comments

0 comments

പശുക്കുട്ടിയെ കൊന്ന കടുവയെ പിടിച്ചു 

ലോക ജനതയെ ജാഥയിൽ വരച്ചു കാട്ടി വില്യം കെന്‍റിഡ്ജ്