in ,

കുറ്റവാളികള്‍ക്ക് ശിക്ഷ വാങ്ങി കൊടുക്കുന്നതില്‍ കേരളം അമേരിക്കയെക്കാള്‍ മുന്നില്‍

*കേരളത്തില്‍ കേസുകള്‍ കുറയുന്നതായി റിപ്പോര്‍ട്ട്‌

കുറ്റവാളികള്‍ക്ക് ശിക്ഷ നേടിക്കൊടുക്കുന്നതില്‍ കേരളം രാജ്യത്ത്‌ ഒന്നാമതെന്ന് കണക്ക്. ലഭ്യമായ ഏറ്റവും പുതിയ കണക്ക്‌ പ്രകാരം കേരളത്തിലെ ക്രിമിനൽ കേസുകളുടെ ശിക്ഷാ നിരക്ക്‌ 82.44 ശതമാനവും മറ്റ്‌ കേസുകളിൽ 98.83 ശതമാനവുമാണ്‌. ദേശീയ ശരാശരി 42.2 ശതമാനമായിരിക്കെയാണിത്‌. അമേരിക്കയിൽപ്പോലും 82 ശതമാനമാണ്‌ ശിക്ഷാനിരക്ക്‌.

കേരളത്തിൽ 2016ൽ ക്രിമിനൽ കേസുകളിൽ ശിക്ഷിക്കപ്പെട്ടത്‌ 84.61 ശതമാനവും മറ്റു കേസുകളിൽ 98.47 ശതമാനവുമാണ്‌. 2017ൽ ഇവ 84.37 ശതമാനവും 98.24 ശതമാനവുമാണ്‌. എഫ്‌ഐആർ രജിസ്‌റ്റർ ചെയ്യുന്നതുമുതൽ കുറ്റപത്രം നൽകുന്നതുവരെയുള്ള പൊലീസിന്റെ ജാഗ്രതയും കോടതികളിൽ പ്രോസിക്യൂഷന്റെ പഴുതടച്ചുള്ള വാദവുമാണ്‌ ഈ നേട്ടത്തിന്‌ പിന്നിൽ. വിദ്യാഭ്യാസത്തിലും നിയമത്തെക്കുറിച്ചുള്ള പൊതുജനങ്ങളുടെ ധാരണയും മറ്റു സംസ്ഥാനങ്ങളെ അപേക്ഷിച്ചു കേരളത്തില്‍ ഉയര്‍ന്നതാനെന്നതും ഈ നേട്ടത്തിന്‍റെ പിന്നിലുണ്ട്.

2016ൽ രാജ്യത്ത്‌ ശിക്ഷിച്ച കേസുകൾ 32.2 ശതമാനം മാത്രമാണ്‌. 2011ൽ രാജ്യത്തെ ശിക്ഷാ നിരക്ക്‌ 27.1 ശതമാനവും 2014ൽ 28 ശതമാനവുമായിരുന്നു.മറ്റു സംസ്ഥാനങ്ങളെ അപേക്ഷിച്ച്‌ കേരളത്തിൽ കേസുകളുടെ എണ്ണത്തിലും കുറവ്‌ വരുന്നുണ്ട്‌. 2016ൽ 707870 കേസുകൾ രജിസ്‌റ്റർ 2017ൽ 653500 കേസുകളായി കുറഞ്ഞു. 2018ൽ ഇത്‌ വീണ്ടും 511828 കേസുകളായി കുറഞ്ഞു. 

Comments

Leave a Reply

Your email address will not be published. Required fields are marked *

Loading…

0

Comments

0 comments

റിലീസിന് മുന്‍പേ റെക്കോര്‍ഡിട്ട് മാമാങ്കം

സാമ്പത്തിക മാന്ദ്യം: സ്കൂള്‍ വിദ്യാഭ്യാസ ഫണ്ട് വെട്ടിക്കുറച്ച് സര്‍ക്കാര്‍