Nipah threat , Nipah, mask, health department, alert, threat, negative, patients, virus, fever, Kerala, Nipah threat , Nipah, homeopathic medicine , hospital, investigation, doctors, patients, Nipah alert , Nipah , Kozhikode,public programmes,ban,tuition ,Mahi,  kozhikod, Nipah virus outbreak district collector,  
in , ,

നിപ ഭീതി ഒഴിയുന്നതായും ജനങ്ങൾ മാസ്‌ക് ധരിക്കേണ്ടതില്ലെന്നും ആരോഗ്യ വിദഗ്ദ്ധർ

കോഴിക്കോട്: കേരളത്തെ ആശങ്കയിലാഴ്ത്തിയ നിപ ഭീഷണി ( Nipah threat ) ഒഴിയുന്നതായി സൂചന. നിലവിൽ ജനങ്ങള്‍ പൊതുയിടങ്ങളിൽ മാസ്‌ക് ധരിച്ച്‌ നടക്കേണ്ട സാഹചര്യമില്ലെന്നും സ്ഥിതി നിയന്ത്രണ വിധേയമാണെന്നും ആരോഗ്യവകുപ്പ് വിദഗ്ദ്ധർ വ്യക്തമാക്കി.

ഇതുവരെ പരിശോധിച്ച 223 സാമ്പിളുകളില്‍ രോഗം സ്ഥിരീകരിച്ചത് നേരത്തെ കണ്ടെത്തിയ 18 പേര്‍ക്ക് മാത്രമാണെന്ന് ആരോഗ്യ വിദഗ്ദ്ധർ അറിയിച്ചു.

ഇന്നലെ പുറത്ത് വന്ന 22 പരിശോധനാ ഫലവും നെഗറ്റീവ് ആണെന്നുള്ളതും പ്രതീക്ഷയ്ക്ക് വകയേകുന്നു. കൂടാതെ രോഗം സ്ഥിരീകരിച്ച 2 പേര്‍ സുഖം പ്രാപിച്ചു വരുന്നത് ശുഭ സൂചനയാണ്.

നിപ വൈറസ് ബാധ പുതുതായി ആര്‍ക്കും സ്ഥിരീകരിക്കാത്ത സാഹചര്യത്തില്‍ ജനങ്ങള്‍ കൂടുതല്‍ ഭീതിയില്‍ കഴിയേണ്ടതില്ലെന്നും എന്നാല്‍ ജാഗ്രത ഒട്ടും കുറയ്‌ക്കേണ്ടതില്ലെന്നും ആരോഗ്യവകുപ്പ് അറിയിച്ചു.

രോഗി ഗുരുതരാവസ്ഥയില്‍ എത്തുന്ന ഘട്ടത്തില്‍ മാത്രമേ നിപ പകരുകയുളളൂ എന്നും അതിനാല്‍ ജനങ്ങള്‍ പൊതുസ്ഥലങ്ങളില്‍ രോഗഭീതിയോടെ മാസ്‌ക് ധരിച്ച്‌ നടക്കേണ്ടതില്ലെന്നും മണിപ്പാല്‍ വൈറോളജി റിസര്‍ച്ച്‌ മേധാവി ഡോക്ടര്‍ ജി അരുണ്‍കുമാര്‍ വ്യക്തമാക്കി.

രോഗം പടരുന്ന സാഹചര്യമില്ലെന്നാണ് ആരോഗ്യവകുപ്പിന്റെ വിലയിരുത്തല്‍. എന്നാൽ ഇതുവരെ നിപയുടെ ഉറവിടം കണ്ടെത്താനായിട്ടില്ല.

നിലവിൽ രോഗലക്ഷണത്തോടെ 22 പേരാണ് കോഴിക്കോട് മെഡിക്കല്‍ കോളേജില്‍ നിരീക്ഷണത്തിലുളളത്. രോഗികളുമായി സമ്ബര്‍ക്കത്തില്‍ വന്നവരുടെ എണ്ണം 2079 ആയി.

ഇവര്‍ക്ക് ആസ്‌ടേലിയയില്‍ നിന്നെത്തിച്ച മരുന്ന് നല്‍കേണ്ടതില്ലെങ്കിലും ഐ സി എം ആര്‍ വിദഗ്ധരുമായി ആലോചിച്ച്‌ മരുന്ന് നല്‍കാനുളള പ്രോട്ടോക്കോള്‍ തയ്യാറാക്കുമെന്നും ആരോഗ്യവകുപ്പ് അറിയിച്ചു.

അതേസമയം, കോഴിക്കോട് ജില്ലയില്‍ പൊതുപരിപാടികള്‍ക്കടക്കം 12 വരെ പ്രഖ്യാപിച്ച നിയന്ത്രണം തുടരുമെന്ന് അധികൃതർ അറിയിച്ചു.

കോഴിക്കോടെത്തിയ ചെന്നൈയില്‍ നിന്നുളള നാഷണല്‍ ഇന്‍സ്റ്റിറ്റിയൂട്ട് ഓഫ് എപിഡമോളജിയിലെ വിദഗ്ദര്‍ ആരോഗ്യമന്ത്രി കെ കെ ശൈലജയുമായി ചര്‍ച്ച നടത്തിയിരുന്നു.

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

നി​യ​മ​സ​ഭയില്‍ പതിനൊന്നാം സമ്മേളനം; വിവാദ വിഷയങ്ങളിൽ മറുപടിയുമായി മുഖ്യമന്ത്രി

എംഎല്‍എയുടെ മാസ്‌ക്, കെവിൻ വധം; സഭയില്‍ ഭരണ-പ്രതിപക്ഷ ബഹളം