in

ജൂതനായി സൗബിന്‍ ഷാഹിർ

സൗബിന്‍ ഷാഹിർ നായകനാകുന്ന പുതിയ ചിത്രമാണ് ജൂതൻ. ഹിറ്റ് ചിത്രങ്ങളുടെ സംവിധായകൻ ഭദ്രനാണ് ചിത്രം അണിയിച്ചൊരുക്കുന്നത്. റിമ കല്ലിങ്കലാണ് നായിക. ജോജു ജോര്‍ജും  ചിത്രത്തിൽ ഒരു  പ്രധാന കഥാപാത്രം ചെയ്യുന്നുണ്ട്.  കൊച്ചുകുട്ടിയെപ്പോലെ നിഷ്‌കളങ്കവും പക്ഷേ ബുദ്ധിവൈഭവവും ഉള്ള ജൂത വേഷമാണ്  സൗബിന്‍ ചിത്രത്തിൽ അവതരിപ്പിക്കുന്നത്.  

ചിത്രത്തിന്റെ മോഷൻ പോസ്റ്റർ കഴിഞ്ഞ ദിവസം പുറത്തുവിട്ടു. നടൻ മോഹൻലാൽ തന്റെ  ഫേസ്ബുക്ക് പേജിലൂടെയാണ് ജൂതന്റെ  പോസ്റ്റർ അവതരിപ്പിച്ചത്. ചിത്രത്തിനും അണിയറ പ്രവർത്തകർക്കും ആശംസകൾ അറിയിച്ചു കൊണ്ടാണ് താരം ജൂതന്റെ പോസ്റ്റർ പ്രേക്ഷകരുമായി പങ്കുവച്ചത്. പോസ്റ്റർ ഇതിനോടകം തന്നെ സമൂഹമാധ്യമങ്ങളിൽ ശ്രദ്ധയാകർഷിച്ചു കഴിഞ്ഞു. 

നീണ്ട പതിനാല് വർഷത്തിന് ശേഷം ഭദ്രന്‍ സംവിധാനം ചെയ്യുന്ന ചിത്രമെന്ന പ്രത്യേകതയും ജൂതനുണ്ട്. മോഹൻലാലിനെ നായകനാക്കി 2005 ൽ പുറത്തിറങ്ങിയ ഉടയോനാണ് ഭദ്രൻ ഒടുവിൽ ചെയ്ത ചിത്രം.  റൂബി ഫിലിംസിന്റെ ബാനറില്‍ തോമസ് ജോസഫ് പട്ടത്താനം, ജയന്ത് മാമന്‍ , എസ് സുരേഷ് ബാബു എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത് .    ചിത്രത്തിന്റെ തിരക്കഥ ഒരുക്കിയിരിക്കുന്നത് എസ് സുരേഷ് ബാബുവാണ്. ക്യാമറ ലോകനാഥന്‍. സംഗീത സംവിധാനം  സുഷിൻ   ശ്യാം നിർവഹിക്കുന്നു.    ഇന്ദ്രൻസ്, ജോയിമാത്യു തുടങ്ങിയവരും ചിത്രത്തിൽ ശ്രദ്ധേ യമായ വേഷങ്ങൾ ചെയ്യുന്നുണ്ട്.    

Comments

Leave a Reply

Your email address will not be published. Required fields are marked *

Loading…

0

Comments

0 comments

ഹിന്ദിയിൽ അരങ്ങേറ്റം കുറിക്കാനൊരുങ്ങി കീർത്തി 

പ്രണയവും ആക്ഷനും നിറഞ്ഞ ഡിയർ കോമ്രേഡിന്റെ ടീസര്‍ പുറത്ത്