താലൂക്ക് ആശുപത്രികള്‍ മിനിമം അംഗീകൃത നിലവാരത്തിലേക്ക്

തിരുവനന്തപുരം: സംസ്ഥാനത്തെ താലൂക്ക് ഹെഡ്ക്വാര്‍ട്ടേഴ്‌സ് ആശുപത്രികള്‍ മിനിമം അംഗീകൃത നിലവാരത്തിലേക്ക് ഉയര്‍ത്താന്‍ തീരുമാനിച്ച് ഉത്തരവിട്ടതായി ആരോഗ്യ സാമൂഹ്യനീതി വകുപ്പ് മന്ത്രി കെ.കെ. ശൈലജ ടീച്ചര്‍. എല്ലാ ജില്ലകളിലും രണ്ട് വീതം താലൂക്ക് ഹെഡ്ക്വാര്‍ട്ടേഴ്‌സ് ആശുപത്രികളേയാണ് ഇപ്പോള്‍ അംഗീകൃത നിലവാരത്തിലേക്ക് ഉയര്‍ത്തുന്നത്.

സംസ്ഥാനത്തെ പൊതുജനാരോഗ്യ സംരക്ഷണത്തിന് ഊന്നല്‍ കൊടുത്തുകൊണ്ടുള്ള ആരോഗ്യ സംവിധാനത്തിന്റെ പരിപൂര്‍ണ പരിവര്‍ത്തനം ലക്ഷ്യമിടുന്ന ആര്‍ദ്രം മിഷന്റെ ഭാഗമായാണ് ആശുപത്രികളെ അംഗീകൃത നിലവാരത്തിലേക്ക് ഉയര്‍ത്തുന്നത്. ഇതിന്റെ ഭാഗമായി ആശുപത്രികളില്‍ മികച്ച സൗകര്യമൊരുക്കുകയും മതിയ ജീവനക്കാരുടെ തസ്തിക സൃഷ്ടിക്കുകയും ചെയ്യുമെന്ന് മന്ത്രി വ്യക്തമാക്കി.

സംസ്ഥാനത്തെ എല്ലാ ആശുപത്രികളും അടിസ്ഥാന സൗകര്യങ്ങള്‍ വികസിപ്പിച്ച് രോഗീസൗഹൃദ പരിചരണം സാധ്യമാക്കി മികച്ച സേവനം നല്‍കുക എന്ന ലക്ഷ്യത്തോടുകൂടി ആരംഭിച്ച പദ്ധതിയാണ് ആര്‍ദ്രം മിഷന്‍. ഇതിന്റെ ആദ്യഘട്ടമായി 170 പ്രാഥമികാരോഗ്യ കേന്ദ്രങ്ങളെ കുടുംബാരോഗ്യ കേന്ദ്രങ്ങളാക്കി മാറ്റിയിരുന്നു. ഈ വര്‍ഷം 503 പ്രാഥമികാരോഗ്യ കേന്ദ്രങ്ങളെ കുടുംബാരോഗ്യ കേന്ദ്രങ്ങളാക്കി മാറ്റാനും ഉത്തരവായിരുന്നു.

തിരുവനന്തപുരം ജില്ലയില്‍ താലൂക്ക് ഹെഡ്ക്വാര്‍ട്ടേഴ്‌സ് ആശുപത്രി വര്‍ക്കല, പാറശാല താലൂക്ക് ആശുപത്രി, കൊല്ലം ജില്ലയില്‍ താലൂക്ക് ഹെഡ്ക്വാര്‍ട്ടേഴ്‌സ് ആശുപത്രി കരുനാഗപ്പള്ളി, താലൂക്ക് ഹെഡ്ക്വാര്‍ട്ടേഴ്‌സ് ആശുപത്രി കൊട്ടാരക്കര, പത്തനംതിട്ട ജില്ലയില്‍ താലൂക്ക് ഹെഡ്ക്വാര്‍ട്ടേഴ്‌സ് ആശുപത്രി മല്ലപ്പള്ളി, താലൂക്ക് ഹെഡ്ക്വാര്‍ട്ടേഴ്‌സ് ആശുപത്രി റാന്നി, ആലപ്പുഴ ജില്ലയില്‍ ആര്‍.എച്ച്.ടി.സി. ചെട്ടിക്കാട്, ജില്ലാ ആശുപത്രി ചെങ്ങന്നൂര്‍, കോട്ടയം ജില്ലയില്‍ താലൂക്ക് ഹെഡ്ക്വാര്‍ട്ടേഴ്‌സ് ആശുപത്രി വൈക്കം, ജനറല്‍ ആശുപത്രി കാഞ്ഞിരപ്പള്ളി, ഇടുക്കി ജില്ലയില്‍ താലൂക്ക് ഹെഡ്ക്വാര്‍ട്ടേഴ്‌സ് ആശുപത്രി അടിമാലി, താലൂക്ക് ഹെഡ്ക്വാര്‍ട്ടേഴ്‌സ് ആശുപത്രി പീരുമേട്, എറണാകുളം ജില്ലയില്‍ താലൂക്ക് ആശുപത്രി കൊച്ചി, താലൂക്ക് ആശുപത്രി കോതമംഗലം, തൃശൂര്‍ ജില്ലയില്‍ താലൂക്ക് ഹെഡ്ക്വാര്‍ട്ടേഴ്‌സ് ആശുപത്രി ചാലക്കുടി, താലൂക്ക് ഹെഡ്ക്വാര്‍ട്ടേഴ്‌സ് ആശുപത്രി കുന്നംകുളം, പാലക്കാട് ജില്ലയില്‍ താലൂക്ക് ഹെഡ്ക്വാര്‍ട്ടേഴ്‌സ് ആശുപത്രി ആലത്തൂര്‍, താലൂക്ക് ഹെഡ്ക്വാര്‍ട്ടേഴ്‌സ് ആശുപത്രി ഒറ്റപ്പാലം, മലപ്പുറം ജില്ലയില്‍ താലൂക്ക് ഹെഡ്ക്വാര്‍ട്ടേഴ്‌സ് ആശുപത്രി പൊന്നാനി, ജില്ല ആശുപത്രി പെരിന്തല്‍മണ്ണ, കോഴിക്കോട് ജില്ലയില്‍ താലൂക്ക് ആശുപത്രി ഫറോക്ക്, താലൂക്ക് ആശുപത്രി ബാലുശേരി, വയനാട് ജില്ലയില്‍ താലൂക്ക് ഹെഡ്ക്വാര്‍ട്ടേഴ്‌സ് ആശുപത്രി സുല്‍ത്താന്‍ബത്തേരി, താലൂക്ക് ഹെഡ്ക്വാര്‍ട്ടേഴ്‌സ് ആശുപത്രി വൈത്തിരി, കണ്ണൂര്‍ ജില്ലയില്‍ താലൂക്ക് ആശുപത്രി മട്ടന്നൂര്‍, താലൂക്ക് ആശുപത്രി പയ്യന്നൂര്‍, കാസര്‍ഗോഡ് ജില്ലയില്‍ താലൂക്ക് ആശുപത്രി നീലേശ്വരം, താലൂക്ക് ആശുപത്രി പനത്തടി എന്നിവയേയാണ് ആദ്യപടിയായി മിനിമം അംഗീകൃത നിലവാരത്തിലേക്ക് ഉയര്‍ത്തുന്നത്.

ഇതിന്റെ ഭാഗമായി ദേശീയ ആരോഗ്യ ദൗത്യം സ്റ്റേറ്റ് മിഷന്‍ ഡയറക്ടറും ആരോഗ്യ വകുപ്പ് ഡയറക്ടറും ഈ ആശുപത്രികളില്‍ പരിശോധന നടത്തുകയും മിനിമം സ്റ്റാന്‍ഡേര്‍ഡ് കൈവരിച്ചിട്ടില്ലാത്ത മേഖലകള്‍ കണ്ടെത്തി ആവശ്യമായ മാര്‍ഗ നിര്‍ദേശം സമര്‍പ്പിക്കുകയും ചെയ്യും. ഇതിന്റെയടിസ്ഥാനത്തില്‍ ആര്‍ദ്രം മിഷനിലുള്‍പ്പെടുത്തി ആശുപത്രികളുടെ നിലവാരം ഉയര്‍ത്തും.

Comments

Leave a Reply

Your email address will not be published. Required fields are marked *

Loading…

0

Comments

0 comments

കർക്കടക വാവുബലി ഒരുക്കങ്ങൾ വിലയിരുത്തി

ട്രാന്‍സ്‌ജെന്‍ഡര്‍ സമൂഹത്തിന് താങ്ങായി കുടുംബശ്രീ