ടിക്ക്ടോക് ഡിലീറ്റ് ചെയ്യാന് ജീവനക്കാര്ക്ക് നിര്ദേശം നല്കി അമേരിക്കന് കമ്പനി
Tik Tok
സുരക്ഷയെക്കുറിച്ചുള്ള ആശങ്കകൾ കാരണം ഹൃസ്വവീഡിയോ ആപ്ലിക്കേഷനായ ടിക് ടോക്കിനെ ഫോണില് നിന്നും നീക്കം ചെയ്യാൻ ജീവനക്കാരോട് ആവശ്യപ്പെട്ടതായി ആഗോള ധനകാര്യ സ്ഥാപനമായ വെൽസ് ഫാർഗോ ആൻഡ് കോ അറിയിച്ചു. സമാനമായ ഉത്തരവ് ആഗോള ഇ-കൊമേഴ്സ് ഭീമനായ ആമസോണും ജീവനക്കാര്ക്ക് നല്കുകയും എന്നാല് പിന്നീട് പിന്വലിക്കുകയും ചെയ്തു.Tik Tok
“കമ്പനി നല്കിയ ഔദ്യോഗിക ഫോണുകളില് ജീവനക്കാര് ടിക് ടോക്ക് ആപ്ലിക്കേഷൻ ഇൻസ്റ്റാൾ ചെയ്തതായി ഞങ്ങൾ തിരിച്ചറിഞ്ഞു,” വെൽസ് ഫാർഗോ വക്താവ് ഇമെയിൽ പ്രസ്താവനയിൽ അറിയിച്ചു. “ടിക്ക് ടോക്കിന്റെ സ്വകാര്യത, സുരക്ഷാ നിയന്ത്രണങ്ങൾ എന്നിവയെക്കുറിച്ചുള്ള ആശങ്കകൾ കാരണം, കോർപ്പറേറ്റ് ഉടമസ്ഥതയിലുള്ള ഫോണുകള് കമ്പനിയുടെ ബിസിനസ്സിനായി മാത്രം ഉപയോഗിക്കേണ്ടതിനാൽ, ഫോണുകളില് നിന്ന് അപ്ലിക്കേഷൻ നീക്കംചെയ്യാൻ ഞങ്ങൾ ജീവനക്കാരോട് നിർദ്ദേശിച്ചു.”
ചൈനീസ് കമ്പനിയായ ബൈറ്റ്ഡാൻസ് ലിമിറ്റഡിന്റെ ഉടമസ്ഥതയിലുള്ള ടിക് ടോക്കിന്റെ സുരക്ഷയെക്കുറിച്ച് യുഎസ് ഉദ്യോഗസ്ഥർ ചോദ്യങ്ങൾ ഉന്നയിച്ചിട്ടുണ്ട്. സ്റ്റേറ്റ് സെക്രട്ടറി മൈക്ക് പോംപേയോ അടുത്തിടെ അമേരിക്കക്കാരോട് അവരുടെ സ്വകാര്യ വിവരങ്ങൾ ചൈനീസ് കമ്യൂണിസ്റ്റിന്റെ കൈകളിലേക്ക് വീഴുന്നത് കാണാൻ ആഗ്രഹിക്കുന്നില്ലെങ്കിൽ ആപ്ലിക്കേഷൻ ഡൌണ്ലോഡ് ചെയ്യരുതെന്ന് പറഞ്ഞിരുന്നു.
യുഎസിന്റെ ദേശീയ സുരക്ഷയ്ക്ക് ടിക് ടോക്ക് ഭീഷണിയാണെന്ന ആരോപണം ടിക്ടോക് നിഷേധിച്ചു. “ഉപയോക്തൃ സുരക്ഷ ടിക് ടോക്കിന് വളരെ പ്രധാനമാണ് – ഞങ്ങളുടെ ഉപയോക്താക്കളുടെ സ്വകാര്യതയെ മാനിക്കാൻ ഞങ്ങൾ പൂർണ്ണമായും പ്രതിജ്ഞാബദ്ധരാണ്,” ഒരു ടിക്ക് ടോക്ക് വക്താവ് ഒരു ഇമെയിലിലൂടെ അറിയിച്ചു.
കമ്പനി ഇമെയിൽ ആക്സസ് ചെയ്യാൻ ഉപയോഗിക്കുന്ന മൊബൈൽ ഉപകരണങ്ങളിൽ നിന്ന് ടിക് ടോക്ക് അണ്ഇന്സ്റ്റാള് ചെയ്യാന് ആമസോൺ ഡോട്ട് കോം വെള്ളിയാഴ്ച ജീവനക്കാരോട് പറഞ്ഞിരുന്നുവെങ്കിലും ഇ-കൊമേഴ്സ് ഭീമൻ പിന്നീട് അത് തെറ്റാണെന്ന് പറഞ്ഞു.