ആരോഗ്യം നിറച്ച് ഓട്സ്
oats ഓട്സ് ഇന്ന് നമ്മുടെ തീൻ മേശയിലെ ഒരു പ്രധാന ഭക്ഷണമായി മാറി കഴിഞ്ഞു. നമ്മൾ മിക്കവരുടെയും പ്രഭാത സായാഹ്ന ഭക്ഷണങ്ങളിൽ ഓട്സിനെ ഉൾപ്പെടുത്താറുണ്ട്. ഓട്സിനെ വ്യത്യസ്തമായ രീതികളിലും രുചികളിലും പാചകം ചെയ്ത് ഉപയോഗിക്കാമെന്നതാണ് ഈ വിഭവത്തിന്റെ ഏറ്റവും വലിയ പ്രത്യേകത. അതുമാത്രമല്ല നിരവധി ആരോഗ്യഗുണങ്ങൾ കൊണ്ട് നിറഞ്ഞ ഒന്നാണ് ഓട്സ്. മഫിൻസ്, കുക്കീസ്, ബ്രഡ്, ബിസ്ക്കറ്റ് തുടങ്ങി നിരവധി വിഭവങ്ങളിൽ ഓട്സ് ഉത്പന്നങ്ങൾ വിപണിയിൽ ഇന്ന് ലഭ്യമാണ് . അതുകൊണ്ട് തന്നെ നമ്മുടെ ഭക്ഷണക്രമത്തിൽ ഓട്സ് More
Sep 16, 2020, 16:52 IST
oats
ഓട്സ് ഇന്ന് നമ്മുടെ തീൻ മേശയിലെ ഒരു പ്രധാന ഭക്ഷണമായി മാറി കഴിഞ്ഞു. നമ്മൾ മിക്കവരുടെയും പ്രഭാത സായാഹ്ന ഭക്ഷണങ്ങളിൽ ഓട്സിനെ ഉൾപ്പെടുത്താറുണ്ട്. ഓട്സിനെ വ്യത്യസ്തമായ രീതികളിലും രുചികളിലും പാചകം ചെയ്ത് ഉപയോഗിക്കാമെന്നതാണ് ഈ വിഭവത്തിന്റെ ഏറ്റവും വലിയ പ്രത്യേകത. അതുമാത്രമല്ല നിരവധി ആരോഗ്യഗുണങ്ങൾ കൊണ്ട് നിറഞ്ഞ ഒന്നാണ് ഓട്സ്. മഫിൻസ്, കുക്കീസ്, ബ്രഡ്, ബിസ്ക്കറ്റ് തുടങ്ങി നിരവധി വിഭവങ്ങളിൽ ഓട്സ് ഉത്പന്നങ്ങൾ വിപണിയിൽ ഇന്ന് ലഭ്യമാണ് . അതുകൊണ്ട് തന്നെ നമ്മുടെ ഭക്ഷണക്രമത്തിൽ ഓട്സ് ഉൾപ്പെടുത്തേണ്ടത് വളരെ പ്രധാനമാണ് . അതിലൂടെ അദ്ഭുതകരമായ ആരോഗ്യഗുണങ്ങളാണ് നമ്മെ തേടി എത്തുന്നത്. oats
ഓട്സിന്റെ ആരോഗ്യ ഗുണങ്ങൾ
ശരീരഭാരം കുറയ്ക്കാൻ സഹായിക്കുന്നു
ശരീരഭാരം കുറയ്ക്കാൻ ആഗ്രഹിക്കുന്നവർക്ക് ഏറ്റവും സഹായകമായ ഭക്ഷണമാണ് ഓട്സ് . ഇതിൽ ഫൈബർ ധാരാളം അടങ്ങിയിട്ടുണ്ട് , ഇത് ഭക്ഷണത്തിൽ ഉൾപ്പെടുത്തുന്നതിലൂടെ വിശപ്പിനെ ദീർഘനേരം തടയാൻ സാധിക്കുന്നു. ഇതിലൂടെ ഇടനേരങ്ങളിൽ കഴിക്കുന്ന ഭക്ഷണത്തിന്റെ അളവ് കുറയ്ക്കാൻ സാധിക്കുന്നു. ഓട്സിനോടൊപ്പം പഴങ്ങളും നട്സും ചേർത്ത് കൂടുതൽ പോഷകസമൃദ്ധമായി കഴിക്കാവുന്നതാണ് .
ചീത്ത കൊളസ്ട്രോൾ കുറയ്ക്കാൻ സഹായിക്കുന്നു
ചീത്ത കൊളസ്ട്രോളിന്റെ അളവിലുണ്ടാകുന്ന വ്യത്യാസം പല ആരോഗ്യ പ്രശ്നങ്ങളുമായി ബന്ധപ്പെട്ടിരിക്കുന്നു, പ്രത്യേകിച്ച് ഹൃദ്രോഗ സാധ്യത വർദ്ധിപ്പിക്കുന്നു. ഭക്ഷണത്തിൽ ഫൈബർ ഉള്പെടുത്തുന്നതിലൂടെ മോശം കൊളസ്ട്രോൾ നിയന്ത്രിക്കാനും ഹൃദയാരോഗ്യം വർദ്ധിപ്പിക്കാനും സഹായിക്കുന്നുയെന്ന് പഠനങ്ങൾ വ്യക്തമാക്കുന്നു . ഓക്‌സിഡേറ്റീവ് സമ്മർദ്ദം കുറയ്ക്കാൻ ഓട്‌സിലെ ആന്റിഓക്‌സിഡന്റുകൾ സഹായിക്കുന്നു .
രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കുന്നു
പ്രമേഹരോഗികൾക്ക് രക്തത്തിൽ ‘ പഞ്ചസാരയുടെ അളവ് നിലനിർത്തേണ്ടത് പ്രധാനമാണ്. ഓട്സിൽ അടങ്ങിയിരിക്കുന്ന നാരുകൾ, ഇൻസുലിൻ സംവേദനക്ഷമത മെച്ചപ്പെടുത്തുന്നതിനും രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിനും സഹായിക്കുന്നു . ആരോഗ്യകരമായി ഭാരം നിലനിർത്തുന്നതിലിയുടെ പ്രമേഹത്തെ നിയന്ത്രിക്കാനും സാധിക്കും .
മലബന്ധം തടയാൻ സഹായിക്കുന്നു
ദഹന പ്രശ്നങ്ങൾ നിയന്ത്രിക്കുന്നതിൽ ഫൈബർ പ്രധാന പങ്ക് വഹിക്കുന്നു. ഇത് മലബന്ധം തടയാൻ സഹായിക്കും. മലബന്ധം ഇല്ലാതാക്കാൻ ഭക്ഷണത്തിൽ ആവശ്യമായ നാരുകൾ ചേർക്കാൻ വിദഗ്ദ്ധർ നിർദ്ദേശിക്കുന്നുണ്ട്. നാരുകളുടെ നല്ല ഉറവിടമായ ഓട്സ് മലബന്ധം ഒഴിവാക്കാനും തടയാനും സഹായിക്കുന്നു
.
പോഷകങ്ങൾ നിറഞ്ഞത്
പോഷകങ്ങൾ നിറഞ്ഞത്
ഫൈബറിന് പുറമെ മറ്റ് അവശ്യ പോഷകങ്ങൾ കൊണ്ട് നിറഞ്ഞതാണ് ഓട്സ് . കാർബണുകൾ, ബീറ്റാ ഗ്ലൂക്കൻ, മാംഗനീസ്, ഫോസ്ഫറസ്, സിങ്ക്, ഫോളേറ്റ്, ഇരുമ്പ്, വിറ്റാമിൻ ബി 1, ആന്റിഓക്‌സിഡന്റുകൾ, പ്രോട്ടീൻ, പൊട്ടാസ്യം എന്നിവ ഓട്സിൽ അടങ്ങിയിട്ടുണ്ട് .