കുട്ടികളിലെ മഴക്കാല രോഗങ്ങളെ പ്രതിരോധിക്കാൻ ഈ ആഹാരങ്ങൾ ഉൾപ്പെടുത്തൂ

Rainy Season Diseases monsoon മുതിർന്നവരിലും ചെറിയകുട്ടികളിലും അസുഖങ്ങൾ കൂടുതലായി ഉണ്ടാവുന്നത് മഴക്കാലങ്ങളിലാണ്. കാരണം ഈ സീസണിൽ അണുബാധകൾ പെട്ടന്ന് പടർന്ന് പിടിക്കുന്നു .പൊതുവെ ഇർപ്പംപിടിച്ച അന്തരീക്ഷം അണുബാധയ്ക്ക് കാരണമാകുന്നു. മഴ വെള്ളത്തിലൂടെയും കെട്ടികിടക്കുന്ന വെള്ളത്തിലൂടെയും എല്ലാം അണുബാധകൾ നമ്മുടെ ശരീരത്തിൽ കടന്നു കൂടുന്നു. ഇതിൽ നിന്ന് രക്ഷനേടാൻ നമ്മൾ ആരോഗ്യത്തോടെ ഇരിക്കേണ്ടത് വളരെ പ്രധാനമാണ്. പ്രത്യേകിച്ച് കൊച്ചു കുട്ടികൾ . monsoon മഴക്കാലത്ത്, കുട്ടികളുടെ ഭക്ഷണക്രമത്തിൽ ശ്രദ്ധ ചെലുത്തേണ്ടത് പ്രധാനമാണ്, മാത്രമല്ല അണുബാധകൾക്ക് എതിരെ പോരാടുന്നതിന് അവർക്ക് More
 

Rainy Season Diseases

monsoon

മുതിർന്നവരിലും ചെറിയകുട്ടികളിലും അസുഖങ്ങൾ കൂടുതലായി ഉണ്ടാവുന്നത് മഴക്കാലങ്ങളിലാണ്. കാരണം ഈ സീസണിൽ അണുബാധകൾ പെട്ടന്ന് പടർന്ന് പിടിക്കുന്നു .പൊതുവെ ഇർപ്പംപിടിച്ച അന്തരീക്ഷം അണുബാധയ്ക്ക് കാരണമാകുന്നു. മഴ വെള്ളത്തിലൂടെയും കെട്ടികിടക്കുന്ന വെള്ളത്തിലൂടെയും എല്ലാം അണുബാധകൾ നമ്മുടെ ശരീരത്തിൽ കടന്നു കൂടുന്നു. ഇതിൽ നിന്ന് രക്ഷനേടാൻ നമ്മൾ ആരോഗ്യത്തോടെ ഇരിക്കേണ്ടത് വളരെ പ്രധാനമാണ്. പ്രത്യേകിച്ച് കൊച്ചു കുട്ടികൾ . monsoon

മഴക്കാലത്ത്, കുട്ടികളുടെ ഭക്ഷണക്രമത്തിൽ ശ്രദ്ധ ചെലുത്തേണ്ടത് പ്രധാനമാണ്, മാത്രമല്ല അണുബാധകൾക്ക് എതിരെ പോരാടുന്നതിന് അവർക്ക് ശക്തമായ പ്രതിരോധശേഷി ഉണ്ടെന്ന് ഉറപ്പാക്കുകയും വേണം. രോഗപ്രതിരോധ ശേഷി ശക്തിപ്പെടുത്താൻ സഹായിക്കുന്ന പോഷകങ്ങൾ അടങ്ങിയ പവർ ഭക്ഷണങ്ങൾ അവരുടെ ദൈനംദിന ജീവിതത്തിൽ ഉൾപെടുത്തുന്നുണ്ടെന്ന് മാതാപിതാക്കൾ ഉറപ്പാക്കേണ്ടതുണ്ട്.

കുട്ടിയുടെ പ്രതിരോധശേഷി വർദ്ധിപ്പിക്കുന്നതിനുള്ള ഭക്ഷണങ്ങൾ

മഴക്കാലത്ത് കുട്ടികളുടെ പ്രതിരോധശേഷി ശക്തിപ്പെടുത്താൻ സഹായിക്കുന്നതിന് അവരുടെ ഭക്ഷണത്തിൽ ഉൾപ്പെടുത്തേണ്ട പോഷകാഹാരങ്ങളെ കുറിച്ച് ഓരോ രക്ഷകർത്താവും തീർച്ചയായും അറിഞ്ഞിരിക്കേണ്ടത് വളരെ പ്രധാനമാണ് . വിദഗ്‌ദ്ധർ നിർദ്ദേശിക്കുന്ന ഭക്ഷണങ്ങൾ ഏതൊക്കെയെന്ന് നോക്കാം .

ബദാം: രോഗപ്രതിരോധ ശേഷി വർദ്ധിപ്പിക്കുന്നതിനുള്ള ഒരു നല്ല ഭക്ഷണമാണ് ബദാം. ബദാമിൽ വിറ്റാമിൻ ഇ അടങ്ങിയിട്ടുണ്ട്, ഇത് ശ്വാസകോശ സംബന്ധിയായ രോഗപ്രതിരോധ പ്രവർത്തനങ്ങളെ സഹായിക്കുന്ന ഒരു ആന്റിഓക്‌സിഡന്റായി പ്രവർത്തിക്കുന്നു. വൈറസ്, ബാക്ടീരിയ എന്നിവ മൂലമുണ്ടാകുന്ന അണുബാധകളിൽ നിന്ന് വിറ്റാമിൻ ഇ സംരക്ഷണം നൽകുന്നു. ബദാമിൽ ചെമ്പ് കൂടുതലായി അടങ്ങിയിട്ടുണ്ട് , ഇത് രോഗപ്രതിരോധസംവിധാനത്തിന്റെ സാധാരണ പ്രവർത്തനത്തിന് കാരണമാകുന്നു.

രോഗപ്രതിരോധസംവിധാനത്തിന്റെ പ്രവർത്തനത്തിൽ കേന്ദ്ര പങ്ക് വഹിക്കുന്ന സിങ്കിന്റെയും മികച്ച ഉറവിടമാണ് ബദാം . കൂടാതെ ഇരുമ്പും ധാരാളം അടങ്ങിട്ടിട്ടുണ്ട് . രോഗപ്രതിരോധ കോശങ്ങളുടെ വ്യാപനത്തിനും വികസനത്തിനും ഇരുമ്പ് ഒരു പ്രധാന പങ്ക് വഹിക്കുന്നു. പ്രതിരോധശേഷി ശക്തിപ്പെടുത്താൻ കുട്ടികളുടെ ഭക്ഷണത്തിൽ പ്രതിദിനം ഒരു പിടി ബദാം ഉൾപ്പെടുത്തുന്നത് വളരെ ഗുണം ചെയ്യും.

ഇഞ്ചി: കാലാവസ്ഥ വ്യതിയാനം മൂലം ഉണ്ടാവുന്ന പനി പോലുള്ള രോഗങ്ങൾക്ക് ഏറ്റവും നല്ല ഒറ്റമൂലിയാണ് ഇഞ്ചി. പുതിന, തുളസി, കറുവപ്പട്ട പൊടി, തേൻ മുതലായ ഔഷധ സസ്യങ്ങൾ ഉപയോഗിച്ച് പ്രതിരോധശേഷി വർധിപ്പിക്കാൻ സഹായിക്കുന്നു . പനി, ജലദോഷം, തൊണ്ടവേദന എന്നിവ ഭേദമാക്കുന്നതിനുള്ള വീട്ടിലെ ഏറ്റവും മികച്ച പ്രതിവിധിയാണിത്. ഇത് ഒരു ആന്റിഓക്‌സിഡന്റായി പ്രവർത്തിക്കുന്നു, നിങ്ങളുടെ ശരീരത്തിലെ വിഷാംശം പുറം തളുന്നതിനും , ദഹനത്തെ സഹായിക്കുന്നത്തിനും , ഇത് വളരെ അധികം സഹായിക്കുന്നു . ഇഞ്ചിയുടെ , പതിവ് ഉപഭോഗം തീർച്ചയായും കുഞ്ഞുങ്ങളുടെ പ്രതിരോധശേഷി നിലനിർത്താൻ സഹായിക്കും.


മഞ്ഞൾ: ഇന്ത്യൻ സുഗന്ധവ്യഞ്ജനങ്ങളിൽ ഒന്നായി കണക്കാക്കപ്പെടുന്ന മഞ്ഞളിൽ കാൽസ്യം, ഫൈബർ, ഇരുമ്പ്, സിങ്ക് തുടങ്ങിയ പോഷകങ്ങൾ ഉണ്ട്. രോഗപ്രതിരോധ ശേഷി വർദ്ധിപ്പിക്കാൻ സഹായിക്കുന്ന ആൻറി-ഇൻഫ്ലമേറ്ററി ഗുണങ്ങൾ ഉണ്ട് . മഞ്ഞളിൽ ആന്റി വൈറൽ, ആന്റി ഫംഗസ്, ആൻറി ബാക്ടീരിയൽ ഗുണങ്ങളും അടങ്ങിയിരിക്കുന്നു, ഇത് ശരീരത്തിന്റെ രോഗപ്രതിരോധ പ്രവർത്തനത്തെ ശക്തിപ്പെടുത്തുന്നു. അതിനാൽ നിങ്ങളുടെ കുട്ടികൾക്ക് ദിവസവും മഞ്ഞൾ നൽകുന്നത് നന്നായിരിക്കും . ഒരു ഗ്ലാസ് പാലിൽ അല്പം മഞ്ഞൾ ചേർത്ത് നല്കുന്നത് നന്നായിരിക്കാം.