യു.എ.ഇയില് നോര്ക്ക റൂട്ട്സ് മുഖേന 210 നഴ്സുമാര്ക്ക് നിയമനം, രജിസ്ട്രേഷന്‍ ആരംഭിച്ചു
യു.എ.ഇയിലെ പ്രശസ്തമായ എമിറേറ്റ്സ് സ്പെഷ്യാലിറ്റി ഹോസ്പിറ്റലിലേക്ക് നോര്ക്ക റൂട്ട്സ് മുഖേന 210 നഴ്സുമാര്ക്ക് ഉടന് നിയമനം നല്കുന്നു. ഇതുമായി ബന്ധപ്പെട്ട് എമിറേറ്റ്സ് സ്പെഷ്യാലിറ്റി ഹോസ്പിറ്റലുമായി നോര്ക്ക റൂട്ട്സ് കരാര് ഒപ്പുവെച്ചു. ഇതിന് കേന്ദ്രസര്ക്കാരിന്റെ അനുമതിയും ലഭിച്ചിട്ടുണ്ട്.
യു.എ.ഇയില് നോര്ക്ക റൂട്ട്സ് മുഖേന ഇത്തരത്തില് വലിയ നിയമനം ആദ്യമാണ്. ജനറല് ഒ.പി.ഡി, മെഡിക്കല് സര്ജിക്കല് വാര്ഡ്, ഒ.റ്റി, എല്.ഡി.ആര് & മിഡ് വൈഫ്, എന്.ഐ.സി.യു, ഐ.സി.യൂ & എമര്ജന്സി, നഴ്സറി, എന്ഡോസ്കോപി, കാത്ലാബ് എന്നീ വിഭാഗങ്ങളിലാണ് ഒഴിവുകള്. ബി.എസ്.സി നഴ്സിങ് ബിരുദവും 3 വര്‍ഷത്തെ പ്രവൃത്തിപരിചയവുമുള്ള 40 വയസ്സിനു താഴെ പ്രായമുള്ള വനിത നഴ്സുമാര്‍ക്കാണ് നിയമനം.
അടിസ്ഥാന ശമ്പളം 4000 ദിര്‍ഹം മുതല്‍ 5000 ദിര്‍ഹം വരെ (ഏകദേശം 75,000 മുതല്‍ 94,000 രൂപ വരെ). മേല്‍പറഞ്ഞ യോഗ്യതയും (യു.എ.ഇ. ഡി.എച്ച്.സി.സി ലൈസന്‍സുമുള്ളവര്‍ക്ക് മുന്‍ഗണന).
താല്‍പര്യമുള്ള ഉദ്യോഗാര്‍ത്ഥികള്‍ വിശദമായ ബയോഡാറ്റ, പാസ്പോര്‍ട്ടിന്‍റെ പകര്‍പ്പ്, ഫോട്ടോ എന്നിവ സഹിതം rmt1.norka@kerala.gov.in എന്ന ഇ-മെയിലിലേക്ക് 2010 ആഗസ്റ്റ് 31-ന് മുമ്പ് അയക്കണം. കൂടുതല്‍ വിവരങ്ങള്‍ 0471-2770577, 0471-2770540 എന്നീ നമ്പരുകളിലും 18004253939 എന്ന ടോള്‍ഫ്രി നമ്പരിലും ലഭിക്കും.