നടൻ അനില്‍ മുരളി അന്തരിച്ചു
Anil Murali
മലയാള സിനിമ നടൻ അനിൽ മുരളി (56) അന്തരിച്ചു. സ്വഭാവ നടനായും വില്ലന് കഥാപാത്രങ്ങളിലൂടെയും പ്രേക്ഷക മനസ്സിൽ ചേക്കേറിയ നടനാണ് അനിൽ മുരളി. ഈ കഴിഞ്ഞ 22 ന് കരള് രോഗത്തെ തുടർന്ന് കൊച്ചിയിലെ ഒരു സ്വകര്യ ആശുപത്രിയിൽ ചികിത്സയിലിക്കെയായിരുന്നു മരണം. മൃതദേഹം കോവിഡ് പ്രോട്ടോകോൾ പാലിച്ച് മൃതദേഹം ആശുപത്രിയിൽ പൊതുദർശനത്തിന് വച്ചതിന് ശേഷം തിരുവനന്തപുരത്തേക്ക് കൊണ്ട് വരും . Anil Murali
ടെലിവിഷൻ സീരിയലിലൂടെയാണ് അനിൽ മുരളിതന്റെ അഭിനയ ജീവിതത്തിന് തുടക്കം കുറിച്ചത്. 1993ല്‍ വിനയൻ സംവിധാനം ചെയ്ത് പുറത്തിറങ്ങിയ കന്യാകുമാരിയില്‍ ഒരു കവിത എന്ന ചിത്രത്തിലൂടെയാണ് അനില്‍ സിനിമയിലേയ്ക്ക് അരങ്ങേറ്റം കുറിക്കുന്നത് . വിവിധ ഭാഷകളിലായി ഇരുന്നൂറോളം ചിത്രങ്ങളിൽ അഭിനയിച്ചിട്ടുണ്ട്. ഫോറന്‍സിക് ആണ് ഏറ്റവും ഒടുവില്‍ അഭിനയിച്ച ചിത്രം.
വാൽക്കണ്ണാടി , ദൈവത്തിന്‍റെ വികൃതികൾ , ആമേന്‍, ബാബ കല്യാണി, പുത്തൻ പണം , നസ്രാണി, പുതിയ മുഖം, സിറ്റി ഓഫ് ഗോഡ്, മാണിക്യക്കല്ല്, ഡബിൾ ബാരൽ , വെള്ളരിപ്രാവിന്‍റെ ചങ്ങാതി, കലക്ടര്‍, അസുരവിത്ത്, കര്‍മ്മയോദ്ധാ, തുടങ്ങിയ ചിത്രങ്ങളിലെല്ലാം ശ്രദ്ധേയമായ വേഷങ്ങളിലാണ് അനിൽ മുരളി എത്തിയത് . സുമയാണ് ഭാര്യ, മക്കള്‍-ആദിത്യ, അരുന്ധതി. Anil Murali