Movie prime

സിനിമ ഒരു പാമ്പും കോണിയും കളിയാണ്: സമീറ റെഡ്ഡി

ചലച്ചിത്രമേഖലയെ ‘പാമ്പും കോണിയും’ കളിയുമായി താരതമ്യപ്പെടുത്തി നടി സമീറ റെഡ്ഡി [ Sameera Reddy ]. സോഷ്യലൈസ് ചെയ്യേണ്ടത് സിനിമയിൽ വളരെ അത്യാവശ്യമാണെന്ന് അഭിപ്രായപ്പെട്ട നടി അങ്ങിനെ ചെയ്യാതായാൽ ആരും അവസരങ്ങൾ തരില്ല എന്ന് തുറന്നടിച്ചു. താൻ സോഷ്യലൈസ് ചെയ്യുന്നതിൽ വളരെ പിന്നാക്കമാണ്. അതിൻ്റെ ദോഷഫലങ്ങളും അനുഭവിക്കേണ്ടി വന്നിട്ടുണ്ട്. ചലച്ചിത്രമേഖല സ്ത്രീകളോട് എങ്ങിനെ പെരുമാറുന്നു എന്നതിന്റെ അനുഭവങ്ങൾ ഒരു സിനിമാ മാസികയുമായി പങ്കുവെയ്ക്കുകയായിരുന്നു അവർ. ഒരിക്കൽ ഒരു സിനിമയിൽ തന്റെ അറിവില്ലാതെഒരു ചുംബന രംഗം ഉൾപ്പെടുത്തി. “ഞാൻ ആ More
 
സിനിമ ഒരു പാമ്പും കോണിയും കളിയാണ്: സമീറ റെഡ്ഡി

ചലച്ചിത്രമേഖലയെ ‘പാമ്പും കോണിയും’ കളിയുമായി താരതമ്യപ്പെടുത്തി നടി സമീറ റെഡ്ഡി [ Sameera Reddy ]. സോഷ്യലൈസ് ചെയ്യേണ്ടത് സിനിമയിൽ വളരെ അത്യാവശ്യമാണെന്ന് അഭിപ്രായപ്പെട്ട നടി അങ്ങിനെ ചെയ്യാതായാൽ ആരും അവസരങ്ങൾ തരില്ല എന്ന് തുറന്നടിച്ചു. താൻ സോഷ്യലൈസ് ചെയ്യുന്നതിൽ വളരെ പിന്നാക്കമാണ്. അതിൻ്റെ ദോഷഫലങ്ങളും അനുഭവിക്കേണ്ടി വന്നിട്ടുണ്ട്.

ചലച്ചിത്രമേഖല സ്ത്രീകളോട് എങ്ങിനെ പെരുമാറുന്നു എന്നതിന്റെ അനുഭവങ്ങൾ ഒരു സിനിമാ മാസികയുമായി പങ്കുവെയ്ക്കുകയായിരുന്നു അവർ. ഒരിക്കൽ ഒരു സിനിമയിൽ തന്റെ അറിവില്ലാതെഒരു ചുംബന രംഗം ഉൾപ്പെടുത്തി.

“ഞാൻ ആ സിനിമ ചെയ്യുകയായിരുന്നു, പെട്ടെന്നാണ് അതിൽ ഒരു ചുംബന രംഗം കൂടി വേണമെന്ന് എന്നോട് പറഞ്ഞത്. അക്കാര്യം നേരത്തേ പറഞ്ഞിരുന്നില്ല. സാധ്യമല്ലെന്ന് ഞാൻ പറഞ്ഞു. അപ്പോൾ ‘നിങ്ങൾ ഇത് മുസാഫിറിൽ ചെയ്തതാണല്ലോ’ എന്ന ന്യായവാദം നിരത്താനാണ് നിർമാതാക്കൾ ശ്രമിച്ചത്. ‘ഞാൻ അത് ചെയ്തിട്ടുണ്ട്.

പക്ഷേ അതിനർഥം തുടർന്നും അങ്ങനെ ചെയ്യുമെന്നല്ലല്ലോ’ എന്നായിരുന്നു എൻ്റെ മറുപടി. അത് കേട്ടപ്പോൾ അവർ ഇങ്ങനെയാണ് പറഞ്ഞത്: “നോക്കൂ, ഇത് ശ്രദ്ധാപൂർവം കൈകാര്യം ചെയ്യണം. നിങ്ങൾക്ക് പകരം വെയ്ക്കാൻ വേറെ ആളുണ്ടാവും എന്ന ഓർമ വേണം.”

ഒരിക്കൽ ഒരു നടൻ തന്നെപ്പറ്റി മോശമായി പ്രചരിപ്പിച്ചതിനെ കുറിച്ചും സമീറ അഭിമുഖത്തിൽ വിവരിക്കുന്നുണ്ട്. “ബോറടിപ്പിക്കുന്ന”, ഒരു തരത്തിലും “സമീപിക്കാൻ കഴിയാത്ത” നടിയാണ് താനെന്നാണ് അയാൾ പറഞ്ഞു നടന്നത്. ഒന്നിച്ചഭിനയിക്കാൻ ആഗ്രഹിക്കുന്നില്ലെന്നും അയാൾ പറഞ്ഞു. ”സിനിമ മൊത്തം ഒരു പാമ്പും കോണിയും കളി പോലെയാണ്. പാമ്പുകളെ ചുറ്റിപ്പറ്റി എങ്ങനെ കറങ്ങാമെന്നും സ്വന്തം വഴി എങ്ങനെ കണ്ടെത്താമെന്നും നാം അറിഞ്ഞിരിക്കണം. ഷൂട്ടിങ്ങ് കഴിഞ്ഞാൽ പാർട്ടിക്കും ഹാങ്ങ് ഔട്ടിനുമൊന്നും താൻ നില്‌ക്കാറില്ല. വീട്ടിലേക്ക് മടങ്ങി ടിവി കാണും. അതാണ് പതിവ്.

ദർന മന മന ഹേ (2003), മുസാഫിർ (2004), ജയ് ചിരഞ്ജീവ (2005), ടാക്സി നമ്പർ 9211 (2006), അശോക (2006), റേസ് (2008) എന്നിവയാണ് സമീറയുടെ ശ്രദ്ധേയ ചിത്രങ്ങൾ. ടി കെ രാജീവ് കുമാർ സംവിധാനം ചെയ്ത ‘ഒരു നാൾ വരും’ എന്ന ചിത്രത്തിലൂടെ മലയാളികൾക്കും പരിചിതയാണ് സമീറ റെഡ്ഡി.