embryo
in

രണ്ടാഴ്ച പ്രായമെത്തിയ  ഭ്രൂണത്തിനും കോവിഡ്-19 വരാൻ സാധ്യതയുണ്ടെന്ന് പഠനം 

embryo

ഗർഭാവസ്ഥയുടെ രണ്ടാം ആഴ്ച മുതൽ ഭ്രൂണങ്ങൾ കോവിഡ്-19 ന് ഇരയാകാമെന്ന് പഠനം.

അമേരിക്കയിലെ കേംബ്രിഡ്ജ് സർവകലാശാലയിലെയും കാലിഫോർണിയ ഇൻസ്റ്റിറ്റ്യൂട്ട് ഓഫ് ടെക്‌നോളജിയിലെയും ശാസ്ത്രജ്ഞരാണ്  സുപ്രധാനമായ ഈ കണ്ടെത്തലിന് പിന്നിൽ. സാർസ്-കോവ്-2 വൈറസ് ബാധിക്കുന്നതിൽ പങ്കു വഹിക്കുന്നതായി കരുതുന്ന  കോശങ്ങളിലെ ജീനുകൾ  രണ്ടാം ആഴ്ചയിൽ തന്നെ ഭ്രൂണങ്ങളിൽ സജീവമാണെന്നാണ്  ഗവേഷകർ കണ്ടെത്തിയത്.ഓപ്പൺ ബയോളജി ജേണലിലാണ് പഠനഫലം പ്രസിദ്ധീകരിച്ചത്. embryo

രണ്ടാം ആഴ്ചയിൽ തന്നെ  ഭ്രൂണങ്ങൾക്ക് കോവിഡ്-19  സാധ്യതയുണ്ട് എന്നത് വളരെ ഗൗരവത്തോടെയാണ് കാണേണ്ടത്. ഗർഭിണികൾക്ക് അസുഖം വന്നാൽ അത് വിജയകരമായ ഗർഭധാരണത്തിനുള്ള സാധ്യതകളെ ബാധിക്കും.

ശ്വാസകോശ സംബന്ധമായ അസുഖങ്ങൾ മാത്രമാണ് കോവിഡ്-19 ഉണ്ടാക്കുന്നതെന്നായിരുന്നു തുടക്കത്തിൽ കരുതിയിരുന്നത്. എന്നാൽ  രോഗത്തിന് കാരണമാകുന്ന സാർസ്-കോവ്-2 വൈറസ് മറ്റ് പല അവയവങ്ങളെയും ബാധിക്കുന്നതായാണ് പുതിയ പഠനങ്ങൾ പറയുന്നത്. 

പ്രായക്കൂടുതലും അമിതവണ്ണവും ഗർഭാവസ്ഥയിലെ സങ്കീർണതകൾ വർധിപ്പിക്കുന്ന ഘടകങ്ങളാണെങ്കിലും ഭ്രൂണത്തിൻ്റെ ആരോഗ്യത്തെ സംബന്ധിച്ച ചോദ്യങ്ങൾക്ക് ഇനിയും ഉത്തരങ്ങൾ കണ്ടെത്തേണ്ടതായി ഗവേഷകർ പറയുന്നു. 

വൈറസിന്റെ ഉപരിതലത്തിൽ വലിയ ”സ്പൈക്ക് ” പ്രോട്ടീനുകളുണ്ട്. ശരീരത്തിലെ കോശങ്ങളുടെ ഉപരിതലത്തിൽ കാണപ്പെടുന്ന പ്രോട്ടീൻ സ്വീകാരി ആയ എസിഇ 2 വുമായി സ്പൈക്ക് പ്രോട്ടീനുകൾ ബന്ധപ്പെട്ടിരിക്കുന്നു. സ്‌പൈക്ക് പ്രോട്ടീനും എസിഇ 2 വും പിളർന്ന്, വൈറസിലെ ജനിതക വസ്തുക്കൾ ആതിഥേയ കോശങ്ങളിൽ പ്രവേശിക്കും. പിന്നീടത് പല മടങ്ങായി പെരുകുകയും വ്യാപിക്കുകയും ചെയ്യും. 

ഗർഭത്തിൻ്റെ രണ്ടാം ആഴ്ചയിൽ തന്നെ മനുഷ്യ ഭ്രൂണത്തിന് കോവിഡ്-19 വരാൻ സാധ്യതയുണ്ടെന്ന് പഠനഫലങ്ങൾ തെളിയിക്കുന്നതായി കേംബ്രിഡ്ജ്, കാൽടെക് സർവകലാശാലകളിലെ ഗവേഷകയായ പ്രൊഫസർ മഗ്ദലീന സെർനിക്ക ഗോയറ്റ്സ് പറഞ്ഞു. ഗവേഷണം പുരോഗമിക്കുകയാണ്.

അപകടസാധ്യത കുറേക്കൂടി വ്യക്തതയോടെ മനസിലാക്കാൻ സ്റ്റെം സെൽ മോഡലുകൾ ഉപയോഗിച്ചും മനുഷ്യേതര പ്രൈമേറ്റുകളിലും കൂടുതൽ ഗവേഷണങ്ങൾ നടത്തേണ്ടിയിരിക്കുന്നു.

Written by Blive News

Leave a Reply

Your email address will not be published. Required fields are marked *

ബ്ലൂബെറി അഥവാ ഞാവൽ പഴത്തിന്റെ ഗുണഗണങ്ങൾ