in ,

വ്യാവസായിക സംരംഭക സാഹചര്യങ്ങളില്‍ കേരളം ഒന്നാമത്:  ഇ.പി.ജയരാജന്‍

E P Jayarajan
വ്യവസായങ്ങള്‍ തുടങ്ങാന്‍ ഇന്ത്യയില്‍ ഏറ്റവും അനുകൂല സാഹചര്യങ്ങളുള്ള സംസ്ഥാനമായി കേരളം മാറിയെന്ന് വ്യവസായ മന്ത്രി ഇ.പി.ജയരാജന്‍ പറഞ്ഞു. തിരുവനന്തപുരം മസ്ക്കറ്റ് ഹോട്ടലില്‍ നടന്ന മെട്രോ ഫുഡ് അവാര്‍ഡ് ദാന ചടങ്ങ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം . സംരംഭകര്‍ക്ക് പ്രഥമ പരിഗണന നല്‍കിയുള്ള വ്യവസായ നയമാണ് കേരളം സ്വീകരിച്ചിരിക്കുന്നത്. ചെറുതും വലുതുമായ ആയിരക്കണക്കിനു വ്യവസായങ്ങളാണ് കേരളത്തിലുടനീളം കഴിഞ്ഞ വര്‍ഷങ്ങളില്‍ ആരംഭിച്ചത്. സംരംഭകര്‍ക്കുള്ള പരിശീലനം, ധനലഭ്യത, വിപണി കണ്ടെത്തുന്നതിനുള്ള സാങ്കേതിക സഹായം തുടങ്ങിയവ ഉറപ്പുവരുത്തുന്നതിന് വ്യവസായ വകുപ്പ് മുന്‍ഗണന നല്‍കും. E P Jayarajan 

മെട്രോ ഫുഡ് സെമിനാറിന്‍റെ ഉദ്ഘാടനം ഭക്ഷ്യ വകുപ്പ് മന്ത്രി പി.തിലോത്തമന്‍ നിര്‍വഹിച്ചു. ഭക്ഷ്യ സംസ്കരണ മേഖലയുടെ സാധ്യതകള്‍ ഉള്‍ക്കൊണ്ട് കൂടുതല്‍ സംരംഭകര്‍ ഈ രംഗത്തേക്ക് കടന്നുവരണമെന്ന് അദ്ദേഹം  ആവശ്യപ്പെട്ടു.

സ്വാദിഷ്ടവും ആരോഗ്യകരവുമായ ഭക്ഷണം വിളമ്പുന്ന മികച്ച റെസ്റ്റോറന്‍റുകള്‍ക്ക് അര്‍ഹമായ അംഗീകാരം നല്‍കുക എന്ന ലക്ഷ്യത്തോടെ മെട്രോ മാര്‍ട്ടിന്‍റെ ആഭിമുഖ്യത്തില്‍ കേരള ടൂറിസം, കേരള  ടൂറിസം ഡെവലപ്പ്മെന്‍റ് കോര്‍പറേഷന്‍, സൗത്ത് കേരള  ഹോട്ടലിയേഴ്സ് ഫോറം (എസ്.കെ.എച്ച്.എഫ്),  സൗത്ത് ഇന്ത്യ ഹോട്ടല്‍സ് & റസ്റ്റോറന്‍റ്സ് അസോസിയേഷന്‍ (ടകഒഞഅ)  എന്നിവരുടെ  സഹകരണത്തോടെയാണ് മെട്രോ ഫുഡ് അവാര്‍ഡ് സംഘടിപ്പിച്ചത്.  ഭക്ഷ്യോല്പാദന സേവന രംഗത്തെ പ്രമുഖ സ്ഥാപനങ്ങളെയും ബ്രാന്‍ഡുകളെയും ഫിഷറീസ് വകുപ്പ് മന്ത്രി ജെ.മേഴ്സിക്കുട്ടി അമ്മ ചടങ്ങില്‍ ആദരിച്ചു.

വ്യവസായ വകുപ്പ് മന്ത്രി ഇ.പി. ജയരാജന്‍ ഭക്ഷ്യ പൊതുവിതരണ വകുപ്പ് മന്ത്രി പി.തിലോത്തമന്‍, ഫിഷറീസ് വകുപ്പ് മന്ത്രി ജെ.മേഴ്സിക്കുട്ടി അമ്മ, എന്നിവര്‍ വിജയികള്‍ക്കുള്ള അവാര്‍ഡുകള്‍ വിതരണം ചെയ്തു. തിരുവനന്തപുരം ചേംബര്‍ ഓഫ് കൊമേഴ്സ് ആന്‍റ് ഇന്‍ഡസ്ട്രീസ് പ്രസിഡന്‍റ് എസ്.എന്‍.രഘുചന്ദ്രന്‍നായര്‍ അധ്യക്ഷനായി. കെ.ടി.ഡി.സി. ചെയര്‍മാന്‍ എം.വിജയകുമാര്‍, തിരുവനന്തപുരം ജില്ലാ പഞ്ചായത്ത് പ്രസിഡന്‍റ് അഡ്വ. ഡി.സുരേഷ് കുമാര്‍, കിന്‍ഫ്ര മാനേജിംഗ് ഡയറക്ടര്‍ സന്തോഷ് കോശി, മെട്രോ മാര്‍ട്ട് മാനേജിംഗ് ഡയറക്ടര്‍ സിജി നായര്‍, അവാര്‍ഡ് കമ്മിറ്റി ചെയര്‍മാന്‍ പ്രസാദ് മാഞ്ഞാലി എന്നിവര്‍ പങ്കെടുത്തു.   

Written by Blive News

Leave a Reply

Your email address will not be published. Required fields are marked *

നോര്‍ക്ക റൂട്ട്‌സിന്റെ സഹകരണത്തോടെ ഐസിടി അക്കാദമി മൈക്രോ സ്‌കില്‍സ് പ്രോഗ്രാം ഒരുക്കുന്നു

പത്ത്, പ്ലസ് ടു വിദ്യാര്‍ത്ഥികള്‍ക്ക് തൊഴിലവസരങ്ങള്‍ വാഗ്ദാനം ചെയ്ത് എച്ച്‌സിഎല്‍