തുല്യനീതി എന്ന ആശയത്തില് നിന്നു ശ്രദ്ധതിരിക്കാന് അവര് ഇനിയും മുളകുപൊടി വിതറും: കെ ആർ മീര
നാലു വോട്ടോ നാലു പേരുടെ നല്ല സര്ട്ടിഫിക്കറ്റോ ആയിരുന്നു വേണ്ടതെങ്കില് ബിന്ദു അമ്മിണിക്ക് നാമം ജപിച്ചു നിരത്തിലിറങ്ങിയാല് മതിയായിരുന്നു എന്ന് കെ ആർ മീര. തുല്യനീതി എന്ന ആശയത്തില്നിന്നു ശ്രദ്ധതിരിക്കാന് അവര് ഇനിയും മുളകുപൊടി വിതറും. മുളകുപൊടി ഇരന്നു വാങ്ങിയതാണെന്നും അതിനു മഹാകുളിര്മയാണെന്നും ഇതെല്ലാം നാടകമാണെന്നും വാദിച്ചു കൊണ്ടിരിക്കും. മന്ത്രി എം എം മണി അടക്കമുള്ളവരുടെ സ്ത്രീവിരുദ്ധ നിലപാടുകളിൽ കടുത്ത പ്രതിഷേധം അറിയിച്ചു കൊണ്ടാണ് ബിന്ദു അമ്മിണിക്ക് ഐക്യദാർഢ്യവുമായി കെ ആർ മീര രംഗത്ത് വന്നിരിക്കുന്നത്.
എടുത്തു പറയേണ്ടത് അതിക്രമികളുടെ സംഘബോധവും വര്ഗ്ഗസ്നേഹവുമാണ്.
സ്ത്രീവിരുദ്ധതയുടെ കാര്യത്തില് ബി.ജെ.പിയും സി.പി.എമ്മും കോണ്ഗ്രസും തമ്മില് ഒരു ഭിന്നതയുമില്ല.
അതിക്രമം അതിക്രമമല്ല, അനിവാര്യതയാണെന്ന് അവര് വാദിച്ചു കൊണ്ടിരിക്കും.
തുല്യനീതി എന്ന ആശയത്തില്നിന്നു ശ്രദ്ധതിരിക്കാന് അവര് ഇനിയും മുളകുപൊടി വിതറും.
മുളകുപൊടി ഇരന്നു വാങ്ങിയതാണെന്നും അതിനു മഹാകുളിര്മയാണെന്നും ഇതെല്ലാം നാടകമാണെന്നും വാദിച്ചു കൊണ്ടിരിക്കും.
ഈ സംഘബോധവും വര്ഗ്ഗസ്നേഹവും ഇരകള്ക്കും അതിജീവിതര്ക്കും ഇല്ല.
അത് ഉണ്ടാകും വരെ അതിക്രമികള് സ്ത്രീകള്ക്കെതിരേയുള്ള കുറ്റകൃത്യങ്ങള്ക്ക് രാഷ്ട്രീയവും മതപരവും സദാചാരപരവുമായ കാരണങ്ങള് ചികഞ്ഞെടുത്തു കൊണ്ടിരിക്കും.
നാലു വോട്ടോ നാലു പേരുടെ നല്ല സര്ട്ടിഫിക്കറ്റോ ആയിരുന്നു വേണ്ടതെങ്കില് ബിന്ദു അമ്മിണിക്ക് നാമം ജപിച്ചു നിരത്തിലിറങ്ങിയാല് മതിയായിരുന്നു.
അവര് മുളകുപൊടി ഏറ്റുവാങ്ങിയത് നവകേരളത്തിനു വേണ്ടിയാണ്.
ഞാന് ബിന്ദുവിനോടൊപ്പമാണ്.
ഫേസ് ബുക്ക് പോസ്റ്റ്