റോക്കി ഭായ് വീണ്ടും വരുന്നു, കെ ജി എഫ് 2 റിലീസ് തീയതി പ്രഖ്യാപിച്ചു
യഷ് നായകനായ കെ ജി എഫ് രണ്ടാം ഭാഗത്തിന്റെ റിലീസ് തിയതി പ്രഖ്യാപിച്ചു. ചിത്രത്തിന്റെ പോസ്റ്റര് യഷ് തന്നെ സോഷ്യല്മീഡിയയിലൂടെ ആരാധകരുമായി പങ്കുവെച്ചിട്ടുണ്ട്.
ഒക്ടോബര് 23നാണ് കെ ജി എഫ് 2 തീയേറ്ററുകളിലെത്തുന്നത്. കെ ജി എഫിലൂടെയാണ് കന്നഡ നടന് യഷിനെ ഇന്ത്യയൊട്ടാകെയുളള സിനിമാപ്രേമികള് അറിയാന് തുടങ്ങിയത്. യഷിന്റെ കരിയറില് മികച്ച ബ്രേക്ക് നല്കിയ ചിത്രമായിരുന്നു ഇത്. പ്രശാന്ത് നീല് ആണ് സംവിധായകന്. വിജയ്് കിരഗണ്ടൂര് നിര്മ്മിക്കുന്നു. ശ്രീനിധി ഷെട്ടി, രവീണ ടണ്ടണ് തുടങ്ങിയ വന് താരനിരയാണ് ചിത്രത്തില്‍ അണിനിരക്കുന്നത്.
കഴിഞ്ഞ ഡിസംബര്‍ 21-നാണ് ചിത്രം ഇന്ത്യയില്‍ റിലീസ് ചെയ്തത്. കന്നഡ, തെലുങ്ക്, തമിഴ്, മലയാളം, ഹിന്ദി ഭാഷകളില്‍ ചിത്രം പുറത്തിറങ്ങി. കര്‍ണാടകയില്‍ ആദ്യദിനം 350 സ്‌ക്രീനുകളിലും ബെംഗളൂരുവില്‍ 500 പ്രദര്‍ശനങ്ങളും സംഘടിപ്പിച്ചിരുന്നു. നടന് സഞ്ജയ് ദത്ത് ചിത്രത്തില്‍ അഭിനയിക്കുമെന്ന വാര്‍ത്ത നേരത്തെ പുറത്തു വന്നിരുന്നു. കൊടുംവില്ലന്‍ അധീരയെന്ന കഥാപാത്രത്തെയാകും സഞ്ജയ് ദത്ത് അവതരിപ്പിക്കുക.
കന്നഡയില്‍ ഇതുവരെ നിര്‍മിക്കപ്പെട്ടതില്‍ ഏറ്റവും ചെലവു കൂടിയ ചിത്രമാണ് കെജിഎഫ്. കോലാറിന്റെ സ്വര്‍ണഖനിയുടെ പശ്ചാത്തലത്തില്‍ റോക്കി എന്ന അധോലോക നായകന്റെ കഥയാണ് ചിത്രം പറയുന്നത്.
