രണ്ട് പുതിയ സ്മാര്ട്ട്ഫോണുകള് പുറത്തിറക്കാനൊരുങ്ങി ലാവ
lava
ഈ മാസം രണ്ട് സ്മാർട്ട്ഫോണുകൾ വിപണിയിലെത്തിക്കാൻ ഇന്ത്യന് കമ്പനി ലാവ മൊബൈൽസ് ഒരുങ്ങുന്നു. ഫെബ്രുവരിയിലാണ് ലാവ ഇന്ത്യയില് അവസാനമായി ഒരു സ്മാര്ട്ട്ഫോണ് പുറത്തിറക്കിയത്. ലാവ Z53 പുറത്തിറക്കിയതിന് ശേഷം കമ്പനിക്ക് വിപണിയില് ചലനം സൃഷ്ടിക്കാന് കഴിഞ്ഞിരുന്നില്ല. ഇന്ത്യൻ ഉപഭോക്താക്കൾക്കായി “ആവേശകരമായ ചില പദ്ധതികൾ” ഉണ്ടെന്നും, ഇന്ത്യൻ സ്മാർട്ട്ഫോൺ ബ്രാൻഡിനായിആളുകളുടെ പ്രതീക്ഷക്കൊത്ത് ഉയരുമെന്ന് ലാവ അറിയിച്ചു. വിപണിയിൽ മത്സരം വർദ്ധിപ്പിക്കുന്നതിനായി ലാവ മൊബൈൽസ് ഈ മാസം രണ്ട് സ്മാർട്ട്ഫോണുകൾ അവതരിപ്പിക്കുമെന്ന് ഇന്ത്യാ ടുഡേ ടെക് വൃത്തങ്ങളാണ് റിപ്പോര്ട്ട് ചെയ്തത്. ചൈനീസ് ബ്രാൻഡുകൾ തിരിച്ചടി നേരിടുന്ന സമയത്താണ് ലാവയുടെ ഈ നീക്കം.lava
വരും മാസങ്ങളിൽ വില കുറഞ്ഞതും അല്ലാത്തതുമായ കൂടുതല് മോഡലുകള് വിപണിയിലെത്തിക്കാനും കമ്പനി പദ്ധതിയിടുന്നുണ്ടെന്ന് ഇന്ത്യാ ടുഡേ ടെക് പറയുന്നു.
ഗീക്ക്ബെഞ്ച് ബെഞ്ച്മാർക്കിംഗ് വെബ്സൈറ്റിൽ കണ്ടെത്തിയ ലിസ്റ്റിംഗ് അനുസരിച്ച് Z66 എന്നായിരിക്കും ഫോണിന്റെ പേര്. ലാവ Z66 1.20GHz ഒക്ടാകോർ യൂണിസോക്ക് പ്രോസസറോട് കൂടിയ ഫോണിന്റെ മോഡൽ നമ്പർ sp9863a3c10 ആണ്. ആന്ഡ്രോയ്ഡ് 10ല് പ്രവര്ത്തിക്കുന്ന ഫോണില് 3ജിബി റാമാണുള്ളത്.
ഇന്ത്യയും ചൈനയും തമ്മിൽ അടുത്തിടെ നടന്ന ഗാൽവാൻ താഴ്വരയിലെ ഏറ്റുമുട്ടലിന് ആക്കം കൂട്ടിയ ചൈനീസ് വിരുദ്ധ വികാരങ്ങൾ സോഷ്യൽ മീഡിയയിൽ മുഴങ്ങുന്ന സമയത്ത് ഇന്ത്യന് ബ്രാന്ഡുകളായ ലാവ, കാര്ബണ്.മൈക്രോമാക്സ് കമ്പനികള് പുതിയ മോഡലുകള് ഇറക്കുന്ന തിരക്കിലാണ്. ചൈനയിൽ നിന്നുള്ള ടെക് ബ്രാൻഡുകളുടെ സ്വാധീനത്തെ ബാധിക്കുന്ന ഒരു ബഹുജന ബഹിഷ്കരണ പ്രസ്ഥാനം സോഷ്യൽ മീഡിയയിൽ വ്യാപകമാണ്.
മൈക്രോമാക്സ് പുതിയ “മെയ്ഡ് ഫോർ ഇന്ത്യ”,”മേഡ് ഇൻ ഇന്ത്യ” എന്നീ സ്മാർട്ട്ഫോണുകൾ ഉടൻ പുറത്തിറക്കുമെന്ന് അറിയിച്ചു. മൈക്രോമാക്സില് നിന്ന് മൂന്ന് സ്മാർട്ട്ഫോണുകൾ ഉണ്ടായിരിക്കുമെന്നാണ് വിവരം.