ഉടന് തന്നെ ഫേസ്ബുക്ക് മെസഞ്ചറില് നിന്നും വാട്ട്സപ്പിലേക്ക് സന്ദേശമയ്ക്കാന് കഴിയും
ഫെയ്സ്ബുക്കിനെയും അവരുടെ ഉടമസ്ഥതയിലുള്ള ആപ്ലിക്കേഷനുകളായ വാട്ട്സ്ആപ്പിനെയും ഇൻസ്റ്റാഗ്രാമിനെയും സംയോജിപ്പിക്കാൻ താൻ പദ്ധതിയിട്ടിരിക്കുകയാണെന്ന് മാർക്ക് സക്കർബർഗ് കഴിഞ്ഞ വർഷം വെളിപ്പെടുത്തിയിരുന്നു. എന്നിരുന്നാലും, പദ്ധതി നടപ്പാക്കുന്നതിന് മുമ്പ് വളരെയധികം ആസൂത്രണം ചെയ്യേണ്ടതുണ്ടെന്ന് ഫേസ്ബുക്ക് സ്ഥാപകൻ പറഞ്ഞിരുന്നു. ഈ വർഷം ഏപ്രിലിൽ ഫേസ്ബുക്ക് മെസഞ്ചർ ഗ്രൂപ്പ് വീഡിയോകോളിംഗ് അപ്ഡേറ്റ് ‘റൂം’ പ്രഖ്യാപിച്ചപ്പോൾ പുതിയ പദ്ധതിയിലേക്കുള്ള ചുവടുവെയ്പ്പായാണ് ടെക് ലോകം ഇത് കണ്ടത്.facebook
വാട്ട്സാപ്പിനെ മെസഞ്ചറുമായി സംയോജിപ്പിക്കാൻ ഫേസ്ബുക്ക് പദ്ധതിയിടുന്നതായി WABetaInfo എന്ന സൈറ്റാണ് റിപ്പോർട്ട് ചെയ്യുന്നു. ഈ അപ്ഡേറ്റ് സാധ്യമായാല് വാട്ട്സാപ്പ് അക്കൗണ്ടില്ലാത്ത ഒരു ഫേസ്ബുക്ക് ഉപയോക്താവിന് ഫേസ്ബുക്ക് മെസ്സഞ്ചറില് നിന്ന് കൊണ്ട് തന്നെ ഒരു വാട്ട്സപ്പ് ഉപയോക്താവുമായി ആശയവിനിമയം നടത്താൻ സാധിക്കും. അപ്ഡേറ്റ് അതിന്റെ പ്രാരംഭഘട്ടത്തിലാണെങ്കിലും ഫേസ്ബുക്ക് ചില ബീറ്റ പതിപ്പുകളില് ഇത് പരീക്ഷിച്ചു കൊണ്ടിരിക്കുകയാണ്. ഫേസ്ബുക്കിലൂടെയാണ് മെസ്സേജ് ചെയ്യുന്നതെങ്കിലും എൻഡ്-ടു-എൻഡ് എൻക്രിപ്ഷൻ കാരണം ഒരു ചാറ്റിന്റെ ഉള്ളടക്കം മറഞ്ഞിരിക്കുന്നു. ഈ സേവനം ഇന്സ്റ്റഗ്രാമിലും ലഭ്യമാക്കാനാണ് ഫേസ്ബുക്കിന്റെ പദ്ധതി.
മെസഞ്ചറിന്റെ വാട്ട്സാപ്പ് സംയോജനത്തെ സംബന്ധിച്ചിടത്തോളം, രണ്ട് സേവനങ്ങളുടെയും അടിസ്ഥാനപരമായി വ്യത്യസ്തമായ സ്വഭാവം കാരണം ഈ സവിശേഷത എങ്ങനെ നടപ്പാക്കുമെന്നതിനെക്കുറിച്ച് ഇതുവരെ ടെക് ലോകത്തിന് ഒരു ഊഹവും ഇല്ല. വാട്ട്സ്ആപ്പ് സന്ദേശങ്ങൾ എൻഡ്-ടു-എൻഡ് എൻക്രിപ്റ്റ് ചെയ്യുമ്പോൾ മെസഞ്ചറില് രഹസ്യ സന്ദേശങ്ങൾ മാത്രം എൻക്രിപ്റ്റ് ചെയ്യുന്നു. കൂടാതെ, മുൻകൂട്ടി അറിയാത്ത അല്ലെങ്കിൽ കോൺടാക്റ്റ് ലിസ്റ്റില് ഇല്ലാത്ത അപരിചിതരുമായി ആശയവിനിമയം നടത്താൻ മെസഞ്ചർ ഉപയോക്താക്കളെ അനുവദിക്കുന്നു. വാട്ട്സ്ആപ്പ്, പരസ്പരം അറിയുന്ന, ഫോൺ നമ്പർ ഉള്ള വ്യക്തികളുമായി മാത്രമേ ആശയവിനിമയം നടത്താൻ അനുവദിക്കുകയുള്ളൂ.