US
in

2 കോടിയലധികം അമേരിക്കക്കാർക്ക് കൊറോണ വൈറസ് ബാധിച്ചിരിക്കാമെന്ന് വിദഗ്ധർ

US

യുഎസ് ഗവൺമെന്റ് വിദഗ്ധർ വിശ്വസിക്കുന്നത് 2 കോടിയലധികം അമേരിക്കക്കാർക്ക് കൊറോണ വൈറസ് ബാധിച്ചിരിക്കാമെന്നാണ്. ഔദ്യോഗിക കണക്കുകളേക്കാൾ 10 മടങ്ങ് കൂടുതലാണിത്. US

ഇപ്പോൾ യുഎസിലെ പകുതിയിലധികം സംസ്ഥാനങ്ങളിൽ കേസുകൾ വർദ്ധിച്ചുകൊണ്ടിരിക്കുകയാണ്, പ്രധാന നഗരങ്ങളിൽ വളരെ വേഗത്തില്‍ അണുബാധ ഉണ്ടാകാനുള്ള സാധ്യതയെക്കുറിച്ച്  പുതിയ മുന്നറിയിപ്പ് വന്നുക്കഴിഞ്ഞു.

ഫെഡറൽ ഏജൻസിയായ സെന്‍റെര്‍ ഫോർ ഡിസീസ് കൺട്രോൾ ആൻഡ് പ്രിവൻഷനിൽ (സിഡിസി) നിന്നുള്ള പുതിയ കണക്കുകള്‍ സൂചിപ്പിക്കുന്നത് രോഗലക്ഷണങ്ങളില്ലാത്ത നിരവധി ആളുകൾക്ക് രോഗം ഉണ്ടെന്നും അല്ലെങ്കിൽ ഉടന്‍ തന്നെ വൈറസ്‌ പിടിപെടാനുമുള്ള സാധ്യതയുണ്ടെന്നുമാണ്.

യു‌എസിലെ ഏറ്റവും ജനസംഖ്യയുള്ള സംസ്ഥാനമായ ടെക്‌സാസിൽ കോവിഡ് -19 കേസുകളിൽ വർദ്ധനവുണ്ടായതായും വ്യാപാരങ്ങളും കടകമ്പോളങ്ങളും വീണ്ടും തുറന്നാല്‍ തന്നെ അടുത്ത ഒരു ഘട്ടത്തില്‍ താൽക്കാലികമായി നിർത്തേണ്ടി വരുമെന്നും ഗവർണർ വ്യാഴാഴ്ച പ്രഖ്യാപിച്ചു.

നേരത്തെ 22 സംസ്ഥാനങ്ങളില്‍ മാത്രം ഉണ്ടായിരുന്ന വൈറസ്‌ബാധ ഇപ്പോള്‍ 27 സംസ്ഥാനങ്ങളിലേക്ക് കടന്നിരിക്കുകയാണ്.

രോഗലക്ഷണങ്ങളില്ലാത്ത, എന്നാൽ ആളുകളുമായി പതിവായി സമ്പർക്കം പുലർത്തുന്ന യുവതി-യുവാക്കള്‍ രോഗമില്ലെന്ന് ഉറപ്പുവരുത്താൻ മുൻ‌കൂട്ടി പരിശോധന നടത്തണമെന്ന് അധികൃതർ പറഞ്ഞു. 

36,000 പുതിയ കേസുകളാണ് അമേരിക്കയില്‍ ബുധനാഴ്ച രേഖപ്പെടുത്തിയത്. രണ്ട് മാസം മുന്‍പ് ഏപ്രിൽ 24ന് രോഗ വ്യാപനത്തിന്‍റെ ആദ്യ ഘട്ടത്തില്‍ 36,426 റെക്കോര്‍ഡ്‌ കേസുകളാണ് റിപ്പോര്‍ട്ട്‌ ചെയ്തിരുന്നത്. ഇപ്പോഴും അതേ നില തുടരുന്നത് തീര്‍ത്തും ആശങ്കജനകമാണ്.വൈറസ് വ്യാപനം തടയുകയെന്ന ലക്ഷ്യത്തോടെയുള്ള ലോക്ക്ഡൌണ്‍ നിയന്ത്രണങ്ങൾ നേരത്തേ നീക്കിയ സംസ്ഥാനങ്ങളിലാണ്  വൈറസ്‌ നിരക്ക് കൂടുതല്‍.

 

കടപ്പാട്: ദി ഗാര്‍ഡിയന്‍

Written by Blive News

Leave a Reply

Your email address will not be published. Required fields are marked *

lightning

ഒറ്റ ദിവസം നൂറിലധികം പേര്‍ യുപിയിലും ബീഹാറിലും ഇടിമിന്നലേറ്റ് മരിച്ചു

suresh gopi

സുരേഷ് ഗോപിക്ക് 61-ാം പിറന്നാള്‍; ആശംസകള്‍ നേര്‍ന്ന നടന്‍ സലിം കുമാറിന്‍റെ ഫേസ്ബുക്ക്‌ പോസ്റ്റ്‌ വൈറല്‍