Movie prime

സ്റ്റാര്‍ട്ടപ്പുകള്‍ക്കായി ആരോഗ്യപരിരക്ഷാ മേഖലയില്‍ കെഎസ് യുഎമ്മിന്‍റെ ടെക് ചാലഞ്ച്

വ്യവസായങ്ങള്ക്ക് വെല്ലുവിളികളെ അഭിമുഖീകരിക്കാന് പര്യാപ്തമായ സാങ്കേതിക പ്രതിവിധികള് കണ്ടെത്തുന്നതിനായി കേരള സ്റ്റാര്ട്ടപ് മിഷന് (കെഎസ് യുഎം) സ്റ്റാര്ട്ടപ്പുകള്ക്കായി ടെക് ചാലഞ്ച് സംഘടിപ്പിക്കുന്നു. ഇന്ഡസ്ട്രി സ്റ്റാര്ട്ടപ് കൊളാബറേഷന് പ്ലാറ്റ്ഫോം (ഐഎസ്സിപി) കേന്ദ്രീകരിച്ച് വിവിധ വ്യവസായങ്ങളുടേയും സര്ക്കാര് വകുപ്പുകളുടേയും സഹകരണത്തോടെയാണ് വിവിധ ഘട്ടങ്ങളിലായി മത്സരം നടക്കുക. വിവിധ പങ്കാളികള് ക്യൂറേറ്റ് ചെയ്ത പ്രത്യേക മേഖലയേയും വെല്ലുവിളിയേയും അടിസ്ഥാനമാക്കിയാണ് ഓരോ മത്സരവും നടത്തുന്നത്. സംസ്ഥാനത്തെ ബേബി മെമ്മോറിയല് ഹോസ്പിറ്റല്, എംവിആര് കാന്സര് സെന്റര്, കെഎംസിടി മെഡിക്കല് കോളേജ്, ചേംബ്ര വാലി More
 
സ്റ്റാര്‍ട്ടപ്പുകള്‍ക്കായി ആരോഗ്യപരിരക്ഷാ മേഖലയില്‍ കെഎസ് യുഎമ്മിന്‍റെ ടെക് ചാലഞ്ച്

വ്യവസായങ്ങള്‍ക്ക് വെല്ലുവിളികളെ അഭിമുഖീകരിക്കാന്‍ പര്യാപ്തമായ സാങ്കേതിക പ്രതിവിധികള്‍ കണ്ടെത്തുന്നതിനായി കേരള സ്റ്റാര്‍ട്ടപ് മിഷന്‍ (കെഎസ് യുഎം) സ്റ്റാര്‍ട്ടപ്പുകള്‍ക്കായി ടെക് ചാലഞ്ച് സംഘടിപ്പിക്കുന്നു.

ഇന്‍ഡസ്ട്രി സ്റ്റാര്‍ട്ടപ് കൊളാബറേഷന്‍ പ്ലാറ്റ്ഫോം (ഐഎസ്സിപി) കേന്ദ്രീകരിച്ച് വിവിധ വ്യവസായങ്ങളുടേയും സര്‍ക്കാര്‍ വകുപ്പുകളുടേയും സഹകരണത്തോടെയാണ് വിവിധ ഘട്ടങ്ങളിലായി മത്സരം നടക്കുക.

വിവിധ പങ്കാളികള്‍ ക്യൂറേറ്റ് ചെയ്ത പ്രത്യേക മേഖലയേയും വെല്ലുവിളിയേയും അടിസ്ഥാനമാക്കിയാണ് ഓരോ മത്സരവും നടത്തുന്നത്. സംസ്ഥാനത്തെ ബേബി മെമ്മോറിയല്‍ ഹോസ്പിറ്റല്‍, എംവിആര്‍ കാന്‍സര്‍ സെന്‍റര്‍, കെഎംസിടി മെഡിക്കല്‍ കോളേജ്, ചേംബ്ര വാലി ക്ലിനിക് എന്നീ തെരഞ്ഞെടുക്കപ്പെട്ട ആശുപത്രികളുമായി സഹകരിച്ചാണ് ടെക് ചാലഞ്ചിന്‍റെ ആദ്യപതിപ്പിന് കെഎസ് യുഎം നേതൃത്വം നല്‍കുന്നത്.

ടെക് ചാലഞ്ചില്‍ പങ്കെടുക്കുന്നതിനായി ഡിസംബര്‍ 25 വരെ സ്റ്റാര്‍ട്ടപ്പുകള്‍ക്ക് രജിസ്റ്റര്‍ ചെയ്യാം. ആദ്യഘട്ടത്തില്‍ കെഎസ് യുഎം ആപ്ലിക്കേഷനുകള്‍ തിരഞ്ഞെടുക്കും. തുടര്‍ന്ന് ഹോസ്പിറ്റല്‍ മാനേജ്മെന്‍റ് സൂക്ഷ്മപരിശോധന നടത്തി ചുരുക്കപ്പട്ടിക തയ്യാറാക്കും.

വെല്ലുവിളികളും ആവശ്യകതകളും അടിസ്ഥാനമാക്കി ഹോസ്പിറ്റല്‍ മാനേജ്മെന്‍റ് ജനുവരി 6 ന് നടത്തുന്ന സെഷനില്‍ സ്റ്റാര്‍ട്ടപ്പുകള്‍ പങ്കെടുക്കണം. ചുരുക്കപ്പട്ടികയില്‍ ഇടംനേടിയ സ്റ്റാര്‍ട്ടപ്പുകള്‍ ജനുവരി 13 ന് ആശയങ്ങളും പ്രതിവിധികളും അവതരിപ്പിക്കണം.

രജിസ്റ്റര്‍ ചെയ്യുന്നതിന് https://startupmission.in/challenges/#/ksum-tech-challenge-2019 എന്ന വെബ്സൈറ്റ് സന്ദര്‍ശിക്കുക.