fruits
in

മെലിഞ്ഞ് സുന്ദരമായ ശരീരം സ്വന്തമാക്കാൻ ഈ പഴങ്ങൾ കഴിക്കൂ

Fruits

മെലിഞ്ഞ് സുന്ദരമായ ആകാരവടിവുള്ള ശരീരം ആഗ്രഹിക്കാത്ത സ്ത്രീയും പുരുഷനും ഉണ്ടാകാറില്ല, അല്ലേ? അത് നമ്മുടെ ആത്മവിശ്വാസം ഉയർത്താൻ വളരെ അധികം സഹായിക്കും. നമ്മുടെ ശരീര ഭാരം നിയന്ത്രിച്ച് നിർത്താൻ പ്രത്യേകിച്ച് മരുന്നുകളും മന്ത്രങ്ങളും ഒന്നും തന്നെ ഇല്ല. മറിച്ച് കൃത്യമായ ഭക്ഷണക്രമം, വ്യായാമം, ഉറക്കം എല്ലാം തമ്മിൽ ബന്ധപ്പെട്ടിരിക്കുന്നു. അതിൽ ഏറ്റവും പ്രധാനം ശരീരഭാരം കുറയ്ക്കുന്നതിന് ശരിയായതും സമീകൃതവുമായ ഭക്ഷണം കഴിക്കേണ്ടത് വളരെ നിർണ്ണായകമാണ്. ഇവിടെയാണ് പഴങ്ങളുടെ പ്രസക്തി ഉയർന്ന് വരുന്നത്. ഒരു വ്യക്തി ശരീരഭാരം കുറയ്ക്കാനുള്ള ശ്രമം തുടങ്ങുമ്പോൾ തന്നെ അവരുടെ ഭക്ഷണക്രമത്തിൽ പോഷകഗുണങ്ങൾ അടങ്ങിയ പഴങ്ങൾ ഉൾപ്പെടുത്തേണ്ടത്ത് വളരെ പ്രധാനമാണ്.പഴങ്ങൾ തെരഞ്ഞെടുക്കുമ്പോൾ ഉയർന്ന ഫൈബർ, കുറഞ്ഞ പഞ്ചസാര, എന്നീ ഗുണങ്ങൾ ഉള്ളവ വേണം ഭക്ഷണത്തിൽ ഉൾപ്പെടുത്തേണ്ടത്ത്.Fruits

1. പൈനാപ്പിൾ

ശരീര ഭാരം കുറയ്ക്കാനുള്ള ശ്രമം തുടങ്ങുന്നവരുടെ ലിസ്റ്റിൽ ആദ്യം ഉൾപ്പെടുത്തേണ്ട പഴങ്ങളിൽ ഒന്നാണ് പൈനാപ്പിൾ. വിറ്റാമിൻ ബി 6, വിറ്റാമിൻ സി, ഇരുമ്പ് തുടങ്ങിയ പോഷകങ്ങൾ ധാരാളം അടങ്ങിയിരിക്കുന്ന ഒരു മികച്ച പഴമാണ് പൈനാപ്പിൾ. ഇത് ചർമ്മത്തെ മെച്ചപ്പെടുത്തുന്നതിനും വീക്കം കുറയ്ക്കുന്നതിനും രക്തസമ്മർദ്ദം നിയന്ത്രിക്കുന്നതിനും ദഹനത്തെ സഹായിക്കുന്നതിനും , ഊർജ്ജം വർദ്ധിപ്പിക്കുന്നതിനും സഹായിക്കുന്നു.കൂടാതെ ഇത് ശരീരഭാരം കുറയ്ക്കാൻ വളരെയധികം സഹായിക്കുന്നു മാത്രമല്ല, ആസ്ത്മ, ഹൃദ്രോഗങ്ങൾ, പ്രമേഹം എന്നിവയ്ക്കെതിരെ പോരാടാനും സഹായിക്കുന്നു.


2. നാരങ്ങ

ഈ സിട്രസ് പഴത്തിൽ പ്രധാനമായും വിറ്റാമിൻ സി അടങ്ങിയിട്ടുണ്ട്. ദഹനം മെച്ചപ്പെടുത്തി വൃക്കയിലെ കല്ലുകൾ അലിയിക്കുന്നതിലൂടെ ശരീരത്തിലെ വിഷാംശം ഇല്ലാതാക്കാൻ ഇത് സഹായിക്കുന്നു. ശരീരത്തിൽ നിന്ന് മാലിന്യങ്ങൾ പുറന്തള്ളുന്നതിലൂടെ നാരങ്ങ പ്രതിരോധശേഷി വർദ്ധിപ്പിക്കുകയും ചർമ്മത്തെ ഉത്തേജിപ്പിക്കുകയും ചെയ്യുന്നു .

3. തണ്ണിമത്തൻ

പേര് സൂചിപ്പിക്കുന്നത് പോലെ, തണ്ണിമത്തനിൽ വളരെ ഉയർന്ന ജലാംശം അടങ്ങിയിട്ടുണ്ട്. പോഷക ഗുണങ്ങൾ കൊണ്ട് സമ്പന്നമായ ഈ പഴം അതിശയകരമാവിധം കൊഴുപ്പ് ഇല്ലാതാക്കുവാൻ സഹായിക്കുന്നു. മാത്രമല്ല ഇത് ജലാംശം നിലനിർത്തുകയും സമ്മർദ്ദവും വീക്കവും കുറയ്ക്കുകയും നമ്മുടെ മൊത്തത്തിലുള്ള ആരോഗ്യം മെച്ചപ്പെടുത്തുകയും ചെയ്യുന്നു. പൊട്ടാസ്യം, വിറ്റാമിൻ എ, വിറ്റാമിൻ ബി 6, വിറ്റാമിൻ സി തുടങ്ങിയ പോഷകങ്ങളും ധാരാളം ഉണ്ട്.

4. മാതളനാരങ്ങ

ഉയർന്ന രക്തസമ്മർദ്ദം, ഉയർന്ന കൊളസ്ട്രോൾ, വീക്കം, സമ്മർദ്ദം, ചിലതരം അർബുദങ്ങൾ എന്നിവയ്ക്കെതിരായ പോരാട്ടത്തിന് മാതളനാരങ്ങ സഹായിക്കുന്നു. ധാരാളം ഗുണങ്ങളുള്ള മാതളനാരങ്ങയിൽ ആന്റിഓക്‌സിഡന്റുകൾ, ഫൈബർ, പ്രോട്ടീൻ, പൊട്ടാസ്യം, വിറ്റാമിൻ സി, വിറ്റാമിൻ ബി 6, വിറ്റാമിൻ കെ എന്നിവ അടങ്ങിയിട്ടുണ്ട്.

5. പിയര്‍പഴം

പിയര്‍പഴത്തിൽ 84 ശതമാനം വെള്ളമാണ്, ഇത് ശരീരത്തിലെ മാലിന്യങ്ങളെ മൃദുവാക്കുകയും, ദോഷകരമായ വിഷവസ്തുക്കളെ പുറന്തള്ളാൻ സഹായിക്കുകയും ചെയ്യുന്നു. പിയർപ്പഴം വേഗത്തിൽ ശരീരഭാരം കുറയ്ക്കുവാൻ സഹായിക്കുന്ന്നു . പ്രോട്ടീൻ, ഫൈബർ, പൊട്ടാസ്യം, വിറ്റാമിൻ സി, വിറ്റാമിൻ കെ, ഇരുമ്പ്, കാൽസ്യം, മഗ്നീഷ്യം എന്നിവ അടങ്ങിയ പിയര്‍പഴം ദഹനത്തെ സഹായിക്കുന്നതിനും ശരീരത്തെ വിഷാംശം ഇല്ലാതാക്കുന്നതിനും പ്രമേഹ സാധ്യത കുറയ്ക്കുന്നതിനും സഹായിക്കുന്നു.

6. ആപ്പിൾ

ഉയർന്ന ഫൈബർ, കുറഞ്ഞ കലോറി, കൂടുതൽ ജലാംശം എന്നിവ ആപ്പിളിൽ അടങ്ങിയിട്ടുണ്ട്. ആപ്പിൾ ശരീരഭാരം കുറയ്ക്കുന്നതിനുള്ള മികച്ച പഴങ്ങളിൽ ഒന്നാണ്. ഹൃദ്രോഗം, പ്രമേഹം, ക്യാൻസർ, രക്താതിമർദ്ദം എന്നിവ കുറയ്ക്കുന്ന ഫ്ലേവനോയ്ഡുകളും ആന്റിഓക്‌സിഡന്റുകളും ആപ്പിളിൽ വളരെ അടങ്ങിയിട്ടുണ്ട്. ഒരു ദിവസം ഒരു ആപ്പിൾ കഴിക്കുന്നതിലൂടെ ജീവിതത്തിൽ നിന്ന് ഡോക്ടറെ അകറ്റി നിർത്തുമെന്നാണല്ലോ പറയുന്നത് .


7. പപ്പായ

കൊഴുപ്പ് ഇല്ലാതാക്കുന്ന പഴങ്ങളിൽ ഒന്നാണ് പപ്പായ. ചർമ്മത്തെ നേരയാക്കുന്നതിനും മൊത്തത്തിലുള്ള ഹൃദയാരോഗ്യം, ദഹനം, വീക്കം എന്നിവയ്ക്കും ഇത് സഹായിക്കുന്നു. കാൻസറിന് എതിരെ പോരാടാൻ കഴിവുള്ള ഒരു പഴമാണ് പപ്പായ . ആരോഗ്യകരമായ നമ്മുടെ ശരീരത്തിന് ആവശ്യമുള്ള ധാരാളം വിറ്റാമിനുകളും ധാതുക്കളും കൊണ്ട് സമ്പന്നമാണ് പപ്പായ.

Written by Blive News

Leave a Reply

Your email address will not be published. Required fields are marked *

transgender

ട്രാൻസ്ജെൻഡർ വിഭാഗത്തിൻ്റെ ക്ഷേമത്തിനായി നാഷണൽ കൗൺസിൽ രൂപീകരിച്ച് കേന്ദ്രം

covid test kit

ആദ്യ ഇന്ത്യൻ നിർമിത കോവിഡ് ടെസ്റ്റ് കിറ്റിന് ഐസി‌എം‌ആർ അംഗീകാരം