മാനസിക ഉല്ലാസം തരുന്ന ഭക്ഷണങ്ങൾ
Happy Mood
ആരോഗ്യത്തോടെ ഇരിക്കാൻ മാനസിക ആരോഗ്യവും വളരെ പ്രധാനമാണ് .ചില സന്ദർഭങ്ങളിൽ നമുക്ക് മാനസികമായി ഒരു ഉന്മേഷ കുറവ് അനുഭവപ്പെടാറുണ്ട് . ഈ ദിവസങ്ങളിൽ നമ്മുക്ക് ഒന്നും തന്നെ ചെയ്യാനുള്ള ഊർജ്ജം ഇല്ലാതെപോലെ അനുഭവപ്പെടും . ഈ അവസ്ഥയിലൂടെ നമ്മൾ എല്ലാരും കടന്ന് പോയിട്ടുണ്ട്. എന്നാൽ നമുക്ക് മാനസിക ഉന്മേഷം നല്കുന്ന കുറച്ച് ഭക്ഷണങ്ങൾ നമ്മുടെ ഭക്ഷണക്രമത്തിൽ ഉൾപ്പെടുത്തുന്നത് ഈ അവസ്ഥ ഒഴിവാക്കാൻ സഹായിക്കും. നമ്മുടെ മാനസികാവസ്ഥ ഉയർത്തുന്നതിന് ഇത്തരം ഭക്ഷണങ്ങള് നമ്മളെ ഏറെ സഹായിക്കുന്നു . മാത്രമല്ല അവ നമ്മളെ ആരോഗ്യത്തോടും പ്രസരിപ്പോടും കൂടിയിരിക്കാൻ സഹായിക്കുന്നു. എന്തൊക്കെയാണ് ആ ഭക്ഷണങ്ങളെന്ന് നോക്കാം. Happy Mood
നട്സ്: വാൽനട്ട്, ബദാം, പിസ്ത, കറുത്ത ഉണക്കമുന്തിരി എന്നിവയ്ക്ക് അതിശയകരമായ പോഷകമൂല്യമുണ്ട്, അത് തീർച്ചയായും നമ്മുടെ ഭക്ഷണക്രമത്തിൽ ഉൾപെടുത്തേണ്ടതാണ്. ഫൈബർ, പ്രോട്ടീൻ, ആരോഗ്യകരമായ കൊഴുപ്പുകൾ എന്നിവ അടങ്ങിയ സൂപ്പർ ഭക്ഷണങ്ങളാണ് ഇവ. നമ്മുടെ ശരീരത്തിലെ കാർബണും കലോറിയും മിതമായ അളവിൽ നിലനിർത്തുന്നതിനായി ഒരു നിശ്ചിത അളവ് വച്ച് വേണം കശുവണ്ടിയും മറ്റ്പരിപ്പ് വർഗ്ഗങ്ങളും ഭക്ഷണക്രമത്തിൽ ഉൾപെടുത്താൻ. രാവിലെ 11 ഓടെ ഒരു പിടി നട്സുകളുടെ മിശ്രിതം കഴിക്കുക. ഇത് തീർച്ചയായും ആരോഗ്യകരമായ സ്നാക്സ് ഓപ്ഷനാണ് . കൂടാതെ ഇത് നമ്മളെ ദീർഘ നേരം വിശപ്പിൽ നിന്ന് നമ്മളെ അകറ്റി നിർത്തുകയും ചെയ്യും. നട്സിൽ ഒമേഗ -3 ഫാറ്റി ആസിഡ് ധാരളം അടങ്ങിയിട്ടുണ്ട്.ഇത് നമ്മുടെ മാനസികാവസ്ഥ, ചർമ്മം, മൊത്തത്തിലുള്ള ആരോഗ്യം എന്നിവ ദീർഘകാലം നിലനിർത്താൻ സഹായിക്കുന്നു.
മുട്ട: നമ്മളിൽ ഭൂരിഭാഗവും മുട്ട ഇഷ്ടപ്പെടുന്നവരാണ് . അതിനാൽ ഇതാ ഒരു സന്തോഷവാർത്ത. മുട്ട കഴിക്കുന്നത് നമ്മുടെ മാനസികാവസ്ഥ ഉയർത്തുന്നു . മുട്ടയിൽ പ്രോട്ടീൻ, വിറ്റാമിൻ ഡി, ബി 12 എന്നിവ അടങ്ങിയിട്ടുണ്ട്. ഇതിൽ നാഡീവ്യവസ്ഥയെ പിന്തുണയ്ക്കുന്ന പോഷകമായ കോളിൻ അടങ്ങിയിട്ടുണ്ട്. ഇത് നമ്മുടെ മാനസികാവസ്ഥയെ ഉയർത്തുന്നു.
അവോകാഡോ & കാപ്സികം: അവോക്കാഡോയുടെ പോഷകസമൃദ്ധമായ കൊഴുപ്പും അതിൻറെ സൂപ്പർ ക്രീമി ഘടനയും,ഇതിനെ നമ്മുടെ പ്രിയ ഭക്ഷണമാക്കി മാറ്റിയിട്ടുണ്ട്. അത് മാത്രമല്ല ഇത് നമ്മുടെ മാനസികാവസ്ഥ ഉയർത്തുകയും ചെയ്യുന്നു . വിറ്റാമിൻ ബി 6, വിറ്റാമിൻ ബി 5, ഫൈബർ, വിറ്റാമിൻ ഇ, വിറ്റാമിൻ സി എന്നിവയാൽ സമ്പന്നമാണ് അവോകാഡോ .ഈ വിറ്റാമിനുകളും പോഷകങ്ങളും ന്യൂറോ ട്രാൻസ്മിറ്ററുകളെ സമന്വയിപ്പിക്കാനും അഡ്രീനൽ ഗ്രന്ഥികളെ പിന്തുണയ്ക്കാനും സഹായിക്കുന്നു. കാപ്സിക്കത്തിൽ നിറയെ ആന്റിഓക്‌സിഡന്റുകളും വിറ്റാമിൻ സിയും അടങ്ങിയിട്ടുണ്ട്, ഇത് മാനസികാവസ്ഥ മെച്ചപ്പെടുത്തുന്നതിനും സമ്മർദ്ദം കുറയ്ക്കുകയും ചെയ്യുന്നു.
ചോക്ലേറ്റുകൾ: ചോക്ലേറ്റുകളെ പരാമർശിക്കാതെ ഈ പട്ടിക പൂർത്തിയാക്കാൻ കഴിയുമോ? എൻ‌ഡോർ‌ഫിനുകൾ (endorphins), ആനന്ദമിഡ് ( anandamide )എന്നിവ ഉത്തേജ്ജിപ്പിക്കുന്ന ഫെനൈത്തിലൈലാമൈൻ (phenylethylamine) എന്ന മിശ്രിതം ഇതിൽ അടങ്ങിയിട്ടുണ്ട് . ചോക്ലേറ്റിനെക്കുറിച്ചുള്ള വിവിധ പഠനങ്ങൾ കാണിക്കുന്നത് ഇതിന് മാനസികാവസ്ഥയും അറിവും മെച്ചപ്പെടുത്താനുള്ള കഴിവുണ്ടെന്നതാണ്, മാത്രമല്ല ഇതിൽ ശാന്തമായിരിക്കാൻ സഹായിക്കുന്ന ആന്റിഓക്‌സിഡന്റുകൾ, ഇരുമ്പ്, മഗ്നീഷ്യം എന്നിവയും സമ്പന്നമായി ഉണ്ട്.
