Dominion
in

ജുറാസിക് വേൾഡ്: ഡൊമിനിയൻ ചിത്രീകരണം പൂർത്തിയായി

കൊറോണ വൈറസ് വ്യാപനം മൂലം ഷൂട്ടിംഗ് ഷെഡ്യൂൾ നീണ്ടു പോയ ഹോളിവുഡ് ചിത്രങ്ങളിലൊന്നായ “ജുറാസിക് വേൾഡ്: ഡൊമിനിയൻ” എന്ന ചിത്രത്തിന്റെ ചിത്രീകരണം പൂർത്തിയായതായി സംവിധായകൻ കോളിൻ ട്രെവറോ സ്ഥിരീകരിച്ചു. 

പ്രൊഡക്ഷൻ ടീമുമായി ബന്ധപ്പെട്ട ഒന്നിലധികം ആളുകൾ കോവിഡ് -19 പോസിറ്റീവായ ശേഷം യു കെ യിലെ പൈൻ‌വുഡ് സ്റ്റുഡിയോയിൽ ചിത്രത്തിന്റെ ഷൂട്ടിംഗ് രണ്ടാഴ്ചത്തേക്ക് നിർത്തിവച്ചിരുന്നു.  എമിലി കാർമൈക്കലുമായി ചേർന്ന് എഴുതിയ തിരക്കഥയിൽ ചിത്രം സംവിധാനം ചെയ്ത ട്രെവറോ ഇൻസ്റ്റാഗ്രാമിലൂടെയാണ് ആരാധകരെ ഈ കാര്യം അറിയിച്ചത്.

“ജുറാസിക് വേൾഡ്: ഡൊമിനിയൻ” പൂർത്തിയായി. കുടുംബത്തോട് വിട പറയാൻ എല്ലായ്പ്പോഴും ബുദ്ധിമുട്ടാണ്, “ട്രെവറോ എഴുതി. ക്രിസ് പ്രാറ്റ്, ബ്രൈസ് ഡാളസ് ഹോവാർഡ് എന്നിവർ അഭിനയിച്ച “ഡൊമീനിയൻ” മാർച്ചിൽ എല്ലാ പ്രവർത്തനങ്ങളും നിർത്തിവച്ച ശേഷം ആവശ്യമായ സുരക്ഷാ പ്രോട്ടോക്കോളുകൾ ഉപയോഗിച്ച് ജൂലൈയിൽ ഷൂട്ടിംഗ് പുനരാരംഭിച്ചു. 

ഷൂട്ടിംഗ് പുനരാരംഭിച്ച ശേഷം  40,000 കോവിഡ് ടെസ്റ്റുകൾ സെറ്റിൽ നടത്തി,അതിൽ 0.25 ശതമാനം പോസിറ്റീവ് ആയി. അതായത് 100 പോസിറ്റീവ് ഫലങ്ങൾ. 

ഇവയിൽ ചിലത് തെറ്റായ പോസിറ്റീവുകളായിരുന്നുവെന്നുവെന്നാണ് സെറ്റിൽ നിന്നുള്ള റിപ്പോർട്ടുകൾ.നിർമ്മാതാക്കളായ യൂണിവേഴ്സൽ പിക്ചേഴ്സും ആംബ്ലിൻ എന്റർടൈൻമെന്റും  പ്രോട്ടോക്കോളുകൾക്കായി മാത്രം 6 മുതൽ 8 ദശലക്ഷം യുഎസ് ഡോളർ ചെലവഴിച്ചു.പ്രധാന നടി-നടന്മാരായ പ്രാറ്റ്, ഡാളസ് ഹോവാർഡ് എന്നിവർ “ജുറാസിക് വേൾഡ്” സീരീസിലെ മൂന്നാമത്തെ ചിത്രത്തിലാണ് ഒരുമിക്കുന്നത്. 

1990 ലെ “ജുറാസിക് പാർക്ക്” ട്രിലോജിയിലെ യഥാർത്ഥ താരങ്ങളായ ലോറ ഡെറൻ, ജെഫ് ഗോൾഡ്ബ്ലം, സാം നീൽ എന്നിവരും ഈ ചിത്രത്തിലുണ്ടാകും. “ഡോക്ടർ സ്‌ട്രേഞ്ച്” താരം ബിഡി വോംഗ്, “സോറി ഫോർ യുവർ ലോസ്” എന്ന ടിവി സീരീസിലൂടെ പ്രശ്‌സ്തനായ മാമൂദൂ ആതി, “ഷീ ഗോട്ട ഹാവ് ഇറ്റ്” നടൻ ദേവാണ്ട വൈസ് എന്നിവരാണ് “ഡൊമിനിയനിലെ” മറ്റ് അഭിനേതാക്കൾ. 

2018 ലെ “ജുറാസിക് വേൾഡ്: ഫോളൻ കിംഗ്ഡം” എന്ന സംഭവങ്ങൾക്ക് ശേഷമാണ് സിനിമ ആരംഭിക്കുന്നത്. തുറന്നു വിടപ്പെട്ട ദിനോസറുകൾ നഗരത്തിൽ  ഇറങ്ങുന്നിടത്താണ് ഈ ചിത്രം  അവസാനിച്ചത്.  “ജുറാസിക് പാർക്ക്” സംവിധായകനായ സ്റ്റീവൻ സ്പിൽബെർഗിനൊപ്പം ട്രെവറോയായിരുന്നു  ഈ ചിത്രം നിർമ്മിച്ചത്.

കടപ്പാട്: ഇന്ത്യ ടിവി 

Written by Blive News

Leave a Reply

Your email address will not be published. Required fields are marked *

Sabarimala

ശബരിമല തീര്‍ത്ഥാടനം: കോവിഡ് 19 നെഗറ്റീവ് സര്‍ട്ടിഫിക്കറ്റ് നിര്‍ബന്ധം

Train to Busan

‘ട്രെയിൻ ടു ബുസാൻ’ രണ്ടാം ഭാഗം ഈ മാസം ഇന്ത്യയിൽ