ജീവിതത്തിന്റെ സമസ്ത മേഖലയെയും കോവിഡ് എന്ന മഹാമാരി വളരെ മോശമായി ബാധിച്ചിരിക്കുകയാണ്. ലോക്ക് ഡൗൺ പോലുള്ള കർശന നിയന്ത്രണങ്ങൾ കോവിഡ്  വ്യാപനം ഒരു പരിധി വരെ തടയുമെങ്കിലും മറുവശത്ത് പല ജീവിതങ്ങളെയും ഇരുട്ടിലാക്കുകയാണ്. ലോക്ക്ഡൗൺ, കോവിഡ്  എന്നിവ മൂലം ഒരു  നല്ല ബാല്യം നഷ്ട്ടപെട്ട തലമുറയാണ് നമ്മുടെ മുന്നിൽ ഇപ്പോൾ  ഉള്ളത്. രണ്ട് വർഷക്കാലമായി കുഞ്ഞുങ്ങൾ വിദ്യാലയങ്ങൾ കണ്ടിട്ട്.

കളിസ്ഥലങ്ങളിൽ വിലക്ക്, മറ്റു വീടുകളിൽ പോകാൻ സാധിക്കുന്നില്ല, കുട്ടുകാരെ കാണാൻ സാധിക്കുന്നില്ല. നാല് ചുമരുകൾക്കുള്ളിൽ അവരുടെ  ബാല്യത്തെ നിസഹായത്തോടെ നമ്മൾ തളച്ചിടുകയാണ് ചെയ്യുന്നത്. പോംവഴികൾ  ഒന്നും തന്നെ ഇല്ല . ഇവയെല്ലാം കുഞ്ഞുങ്ങളുടെ  മാനസിക  ശാരീരിക  ആരോഗ്യത്തെ  വളരെ പ്രതികൂലമായി തന്നെയാണ്  ബാധിക്കാറ്. പ്രത്യേകിച്ച് മാസിക ആരോഗ്യത്തെ. 

നമ്മൾ ചിന്തിക്കുന്നതിനേക്കാൾ അപകടകരമായി ബാധിച്ചേക്കാം.സ്ഥിതിവിവരക്കണക്കുകൾ പ്രകാരം, ഈ മഹാമാരിയുടെ  രണ്ടാം തരംഗത്തിൽ സമ്മർദ്ദവും ഉത്കണ്ഠയും അനുഭവിക്കുന്ന കുട്ടികളുടെ എണ്ണത്തിൽ ഞെട്ടിക്കുന്ന വർദ്ധനവ് ഉണ്ടായിട്ടുണ്ട് - 30% കുട്ടികൾ ഏതെങ്കിലും തരത്തിലുള്ള മാനസികാരോഗ്യ പ്രശ്‌നങ്ങൾക്ക് വിധേയരാണ്. നമ്മുടെ കുഞ്ഞുങ്ങളെ ഇത്തരം മാനസിക സംഘർഷങ്ങളിൽ നിന്ന് മാറ്റി നിർത്താൻ നാം മുതിർന്നവരാണ് അല്പം മുൻകരുതൽ എടുക്കേണ്ടത്ത്.അത് എങ്ങനെയെന്ന് നോക്കാം.

കുഞ്ഞുങ്ങളുമായി തുറന്ന് സംസാരിക്കുക

നമ്മൾ മുതിർന്നവർക്ക് പോലും ഈ  കാലഘട്ടത്തിലൂടെ കടന്നു പോകുമ്പോൾ വിവിധങ്ങളായ സംഘർഷങ്ങളെ അഭിമുഖീകരിക്കേണ്ടി വരുന്നു, അപ്പോൾ പിന്നെ കുഞ്ഞുങ്ങളുടെ കാര്യം പറയേണ്ടതായില്ല. നമ്മൾക്ക്  മനസിലാക്കാൻ  സാധിക്കാത്ത  തരത്തിൽ കുഞ്ഞുങ്ങൾ മാനസിക സംഘർഷത്തിലൂടെ കടന്നുപോകുന്നുണ്ടാവും . അവ തിരിച്ചറിയണമെങ്കിൽ അവരോടു തുറന്ന് സംസാരിക്കേണ്ടത് വളരെ പ്രധാനമാണ്. അവരുടെ മനസ്സിൽ എന്താണ്, സന്തോഷമാണോ, സങ്കടമാണോ , ദേഷ്യമാണോ ? എന്നൊക്കെ നമ്മൾ തിരിച്ചറിയണം. അതിന്  അവരോടു കുറച്ച് സമയം ചെലാവൊഴിച്ച് അവരുമായി  സംസാരിക്കുക . അങ്ങനെ ആകുമ്പോൾ അവരുടെമനസിലെ എല്ലാ പ്രശ്നങ്ങളും അവർ തുറന്ന് നമ്മളോട് സംസാരിക്കും.

ദിനചര്യകൾ  നിലനിർത്തുക

പതിവ് ഭക്ഷണ സമയം, ഒരു നിശ്ചിത ഉറക്കസമയം തുടങ്ങി  കഴിയുന്നിടത്തോളം കാര്യങ്ങൾ പഴയ ദിനചര്യകൾ പോലെ   നിലനിർത്താൻ ശ്രമിക്കുക. ഈ മഹാമാരിയ്ക്ക്  മുമ്പുള്ള സമയത്തിന് സമാനമായ കാര്യങ്ങൾ തുടർച്ചയായി ചെയ്യുന്നത്  അവർക്ക് കാര്യങ്ങൾ  വളരെ എളുപ്പത്തിൽ കൈകാര്യം ചെയ്യാൻ കഴിയും.

അവരോടൊപ്പം കളിക്കുക

അവരുമായി സർഗ്ഗാത്മകതയുള്ള കളികളിലും കാര്യങ്ങളിലും പങ്കെടുക്കുക .ഇത്  അവരെ മാനസികാരോഗ്യം  നിലനിർത്തുന്നതിന് സഹായിക്കും. കൂടുതൽ പാഠ്യേതര പാഠ്യപദ്ധതികൾ  ചെയ്യാൻ  പ്രേരിപ്പിക്കുകയും ചെയ്യുക. നമ്മൾ  മുതിർന്നവർക്ക്  നമ്മുടേതായ  തിരക്കേറിയ വർക്ക് ഷെഡ്യൂളുകളും പ്രതിബദ്ധതകളും ഉണ്ടെങ്കിൽപ്പോലും, കിട്ടുന്ന സമയം  നമ്മുടെ  കുട്ടികളുമായി ഇടപഴകാൻ ശ്രമിക്കുക, ഒപ്പം അവരോടൊപ്പമുള്ള കളികളിൽ പങ്കെടുക്കുക, ഇങ്ങനെ  ചെയ്യുന്നതിലൂടെ കുഞ്ഞുങ്ങൾക്ക് വീട്ടിന് പുറത്തു പോകാനുള്ള തോന്നൽ പതിയെ ഇല്ലാതാകും.

ഓൺലൈൻ ഉപയോഗം നിരീക്ഷിക്കുക

ദിവസം മുഴുവൻ വീട്ടിൽ തന്നെ ചിലവിടുന്നത് കൊണ്ട്  ഓൺലൈൻ ഉപയോഗം വർദ്ധിപ്പിക്കുന്നതിലേക്ക് നയിക്കുന്നു, കാരണം ഈ പ്രത്യേക  സാഹചര്യത്തിൽ അവർക്ക് അതിനുള്ള അവസരം കൂടുതലാണ്. ഒരു രക്ഷകർത്താവ് എന്ന നിലയിൽ, അവർ ഓൺലൈനിൽ എന്താണ് കാണുന്നതെന്ന്  നിങ്ങൾ പരിശോധിക്കേണ്ടതുണ്ട്. സ്‌ക്രീനിൽ വളരെയധികം സമയം ചെലവഴിക്കുന്നതും ആളുകളുമായി ഇടപഴകാത്തതും സാമൂഹിക ഇടപെടലിലിൽ നിന്ന് കുട്ടികളെ പിന്നിലോട്ട്  നയിക്കും. ഇത് നിങ്ങളുടെ കുട്ടിയുടെ മാനസികാരോഗ്യത്തിൽ  അപകടകരമായ പ്രത്യാഘാതമുണ്ടാക്കും. കുഞ്ഞുങ്ങൾക്ക് സ്ക്രീൻ ടൈമീന്  ഒരു  നിശ്ചിത സമയ പരിധി വയ്ക്കുന്നത് വളരെ നല്ലതാണ്. അവർ ഓൺലൈൻ ഉപയോഗിക്കുമ്പോൾ നിങ്ങളുടെ ശ്രദ്ധ വീഴുന്ന സ്ഥലത്തു വേണം കുട്ടികളെ ഇരുത്താൻ.

ഒരു പ്രത്യേക ബോണ്ട് സൃഷ്ടിക്കുക

നിങ്ങളുടെ കുട്ടിയുമായി കൂടുതൽ ആത്മബന്ധം  ഉണ്ടാക്കുക . അങ്ങനെ ഉണ്ടാക്കുന്നതായി ഉറപ്പാക്കുക. സമപ്രായക്കാരുമായും ബന്ധുക്കളുമായും ബന്ധപ്പെടാൻ അവർക്ക് അവസരവും  സഹായവും ഒരുക്കുക. ഇത്തരത്തിലുള്ള ബന്ധങ്ങലും  അടുപ്പങ്ങളും  അവരുടെ മാനസിക പിരിമുറുക്കം കുറയ്ക്കാൻ സഹായിക്കുന്നു.

പെരുമാറ്റ വ്യതിയാനങ്ങൾ ശ്രദ്ധിക്കുക

നിങ്ങളുടെ കുട്ടിയുടെ പെരുമാറ്റത്തിൽ വരുന്ന വ്യതിയാനങ്ങൾ ശ്രദ്ധിക്കുക. അവരുടെ മുറികളിൽ കൂടുതൽ സമയം ഒറ്റയ്ക്ക് ചിലവൊഴിക്കുന്നത്, ഉറക്കത്തിന്റെ രീതികൾ, വിശപ്പിന്റെ മാറ്റം, കൂടുതൽ ക്ഷോഭം എന്നിവ  കുട്ടി കടന്നുപോകുന്ന വിഷാദത്തിന്റെ ലക്ഷണങ്ങളാണ്. ഹൃദയാഘാതം, വിഷാദം, സങ്കടം എന്നിവ നമുക്കെല്ലാവർക്കും തികച്ചും വ്യത്യസ്തമാണ്. നിങ്ങളുടെ കുട്ടിക്ക് വിദഗ്‌ധരുടെ  സഹായം ആവശ്യമാണെന്ന് നിങ്ങൾ കരുതുന്നുവെങ്കിൽ, അത് നല്കുക .

അവർക്ക് ധൈര്യം പകരുക

നിങ്ങളുടെ കുട്ടിക്ക്  ധൈര്യം പകരേണ്ടത്  അത്യാവശ്യമാണ്. "ഞങ്ങൾ നിന്നെ സ്നേഹിക്കുന്നു" എന്ന് കൂടുതൽ തവണ കുട്ടിയോട് പറഞ്ഞു ബോധ്യപ്പെടുത്തുക. അവരുമായി കൂടുതൽ അടുക്കാൻ  ശ്രമിക്കുക. എന്നാൽ ഒന്നും  അമിതമാകാതെ നോക്കുകയും വേണം.