in

‘ഒരുത്തി’യിലൂടെ നവ്യ നായര്‍ തിരിച്ചു വരുന്നു

എട്ടു വര്‍ഷത്തിന് ശേഷം നടി നവ്യ നായര്‍ സിനിമയില്‍ സജീവമാവുകയാണ്. നവ്യ കേന്ദ്രകഥാപാത്രത്തെ അവതരിപ്പിക്കുന്ന സിനിമയുടെ ടൈറ്റില്‍ പോസ്റ്റര്‍ മമ്മൂട്ടിയും മഞ്ജു വാര്യരും കൂടി പുറത്ത് വിടുമെന്ന് നേരത്തെ അറിയിച്ചിരുന്നു. പറഞ്ഞത് പോലെ ഫേസ്ബുക്ക് പേജിലൂടെ മമ്മൂട്ടി പോസ്റ്റര്‍ പുറത്ത് വിട്ടിരിക്കുകയാണ്.

‘ഒരുത്തീ’ എന്നാണ് ചിത്രത്തിന്റെ പേര്. പോസ്റ്റര്‍ പങ്കുവെച്ചതിനൊപ്പം സംവിധായകനും നവ്യ നായര്‍ക്കും സിനിമയിലെ അണിയറ പ്രവര്‍ത്തകര്‍ക്കുമെല്ലാം ആശംസകള്‍ അറിയിച്ചിരിക്കുകയാണ് മെഗാസ്റ്റാര്‍. മഞ്ജു വാര്യരും നവ്യയ്ക്കും ടീമിനും ആശംസകള്‍ അറിയിച്ചിട്ടുണ്ട്. വര്‍ഷങ്ങള്‍ക്ക് ശേഷമാണ് നവ്യ ഒരു ഫീച്ചര്‍ ഫിലിമിന്റെ ഭാഗമാവുന്നതെന്നും മഞ്ജു വാര്യര്‍ പറഞ്ഞു. ശക്തമായൊരു സ്ത്രീ കഥാപാത്രമായിരിക്കും ചിത്രത്തിലേത് എന്നാണ് പോസ്റ്ററില്‍ നിന്നും വ്യക്തമാവുന്നത്. 

നേരത്തെ തീ എന്നാണ് സിനിമയ്ക്ക് പേരിട്ടതെന്നായിരുന്നു പറഞ്ഞത്. ടൈറ്റില്‍ പോസ്റ്ററില്‍ ഒരുത്തി എന്ന വാക്കിനെ ഒരുതീ എന്നാണെഴുതിയിരിക്കുന്നത്. മാത്രമല്ല നവ്യയുടെ ചിത്രത്തിന് മുകളില്‍ മുഴുവന്‍ തീ ആളി പടരുന്നതുമാണ് തീം. താലിമാല പൊട്ടിച്ചോടുന്ന കള്ളന് പിന്നാലെ ഓടുന്ന പാവപ്പെട്ട ഒരു വീട്ടമ്മയുടെ കഥയാണ് ഇതിവൃത്തം.

വികെ പ്രകാശ് ആണ് സംവിധാനം. എസ് സുരേഷ് ബാബുവാണ് ചിത്രത്തിന്റെ തിരക്കഥ എഴുതുന്നത്. മഞ്ജു വാര്യരുടെ തിരിച്ച്് വരവാണ് തനിക്ക് ആത്മവിശ്വാസം കൂട്ടിയതെന്നും നല്ലൊരു കഥാപാത്രത്തിന് വേണ്ടിയാണ് ഇത്രയും നാള്‍ കാത്തിരുന്നതെന്നും അതാണ് ഇത്രയും കാലതാമസമെടുത്തതെന്നും അടുത്തിടെ നവ്യ പറഞ്ഞിരുന്നു. നവ്യ അവസാനം അഭിനയിച്ച ചിത്രം ഷൈജു അന്തിക്കാടിന്റെ സീന്‍ ഒന്ന് നമ്മുടെ വീടെന്ന ചിത്രമായിരുന്നു. 

 

Written by Blive News

Leave a Reply

Your email address will not be published. Required fields are marked *

​​ജനാധിപത്യബോധം ഉണർത്താൻ തെരഞ്ഞെടുപ്പ് കമ്മീഷന്റെ കത്തെഴുത്ത് മത്സരം

വളര്‍ത്ത് ഓമനകള്‍ക്കും പാട്ടുകളുമായി സ്പോട്ടിഫൈ മ്യൂസിക്‌ ആപ്പ്