Movie prime

പിറന്നാൾ ദിനത്തിൽ 83 ന്റെ ഫസ്റ്റ് ലുക്ക് പോസ്റ്ററുമായി രൺവീർ

മുപ്പത്തിനാലാം പിറന്നാൾ ദിനത്തിൽ പുതിയ ചിത്രമായ 83 ന്റെ ഫസ്റ്റ് ലുക്ക് പോസ്റ്റർ പങ്കുവെച്ച് രൺവീർ സിങ്ങ്. ട്വിറ്ററിലൂടെയാണ് താരം തന്റെ പുതിയ ചിത്രത്തിന്റെ വാർത്താവിശേഷം പ്രേക്ഷകരുമായി പങ്കുവെച്ചത്. രാജ്യത്തിന് ക്രിക്കറ്റിൽ ഒരു ലോക കപ്പ് എന്ന സ്വപ്നം യാഥാർഥ്യമായ വർഷമാണ് 1983.ആ ചരിത്ര നിമിഷങ്ങളാണ് 83 ന്റെ ഇതിവൃത്തം. കബീർ ഖാനാണ് ചിത്രം സംവിധാനം ചെയ്യുന്നത്. അന്നത്തെ ഇന്ത്യൻ ക്യാപ്റ്റൻ കപിൽ ദേവിന്റെ വേഷത്തിലാണ് രൺവീർ എത്തുന്നത്. അക്കാലത്തെ കപിൽ ദേവിന്റെ രൂപത്തോട് ഏറെ സാമ്യം More
 
പിറന്നാൾ ദിനത്തിൽ 83 ന്റെ ഫസ്റ്റ് ലുക്ക് പോസ്റ്ററുമായി രൺവീർ

മുപ്പത്തിനാലാം പിറന്നാൾ ദിനത്തിൽ പുതിയ ചിത്രമായ 83 ന്റെ ഫസ്റ്റ് ലുക്ക് പോസ്റ്റർ പങ്കുവെച്ച് രൺവീർ സിങ്ങ്. ട്വിറ്ററിലൂടെയാണ് താരം തന്റെ പുതിയ ചിത്രത്തിന്റെ വാർത്താവിശേഷം പ്രേക്ഷകരുമായി പങ്കുവെച്ചത്. രാജ്യത്തിന് ക്രിക്കറ്റിൽ ഒരു ലോക കപ്പ് എന്ന സ്വപ്നം യാഥാർഥ്യമായ വർഷമാണ് 1983.ആ ചരിത്ര നിമിഷങ്ങളാണ് 83 ന്റെ ഇതിവൃത്തം. കബീർ ഖാനാണ് ചിത്രം സംവിധാനം ചെയ്യുന്നത്. അന്നത്തെ ഇന്ത്യൻ ക്യാപ്റ്റൻ കപിൽ ദേവിന്റെ വേഷത്തിലാണ് രൺവീർ എത്തുന്നത്.

അക്കാലത്തെ കപിൽ ദേവിന്റെ രൂപത്തോട് ഏറെ സാമ്യം തോന്നുന്ന മേക്ക് ഓവറിലാണ് രൺവീർ എത്തുന്നതെന്ന് പോസ്റ്ററിലൂടെ വ്യക്തമാണ്. വെള്ള ക്രിക്കറ്റിങ്ങ് ജഴ്‌സിയണിഞ്‌ അടിമുടി കപിലിന്റെ രൂപഭാവങ്ങളോടെയാണ് രൺവീർ പോസ്റ്ററിൽ പ്രത്യക്ഷപ്പെടുന്നത്. “ഈ സ്‌പെഷ്യൽ ദിനത്തിൽ, ഹരിയാനയുടെ കൊടുങ്കാറ്റ് കപിൽ ദേവിനെ നിങ്ങൾക്കായി അവതരിപ്പിക്കുന്നു ” എന്ന അടിക്കുറിപ്പോടെയാണ്‌ പോസ്റ്റ്. 1983 കാലത്തെ കപിൽദേവായി ഭാവപ്പകർച്ച നേടാൻ വലിയ മുന്നൊരുക്കങ്ങളാണ് നടൻ നടത്തുന്നതെന്ന് റിപ്പോർട്ടുകൾ ഉണ്ടായിരുന്നു. കപിലിന്റെ ശരീരഭാഷ വശത്താക്കാൻ താരം അദ്ദേഹത്തോടൊപ്പം സമയംചെലവഴിക്കുന്നതായും ചിട്ടയോടെ വ്യായാമം ചെയ്യുന്നതായും വാർത്തകൾ വന്നിരുന്നു.മേക്കപ്പ് ആർടിസ്റ്റുകളുടെയും സാങ്കേതിക വിദഗ്ധരുടെയും സഹായം കൂടിയാകുമ്പോൾ കപിൽ ദേവിലേക്കുള്ള രൺവീറിന്റെ ഭാവപ്പകർച്ച പൂർണമാകുമെന്നാണ് വിലയിരുത്തൽ.

കപിൽദേവിന്റെ ഭാര്യ റോമിയുടെ വേഷത്തിലെത്തുന്നത് രൺവീറിന്റെ ഭാര്യയും ബോളിവുഡ് സൂപ്പർ താരവുമായ ദീപിക പദുക്കോണാണ് എന്ന പ്രത്യേകതയും ചിത്രത്തിനുണ്ട്. വൻ താരനിര തന്നെ ചിത്രത്തിൽ അണിനിരക്കുന്നുണ്ട്. പഞ്ചാബിതാരം ആമി വിർക് ബൽവീന്ദർ സിംഗ് സന്ദുവായും തമിഴ് നടൻ ജീവ കൃഷ്ണമാചാരി ശ്രീകാന്തായും വേഷമിടുന്നു. റിലയൻസ് എന്റർടെയ്ൻമെന്റിന്റെ ബാനറിൽ ഹിന്ദി, തമിഴ്, തെലുഗ് ബഹുഭാഷാ ചിത്രമായി 2020 ഏപ്രിലോടെ ചിത്രം തിയേറ്ററുകളിലെത്തുമെന്നാണ് പ്രതീക്ഷിക്കുന്നത്.